NKS

Unku

SAbk

Rkkc

Rspls

sbsg

Rgup

nkpm

RppdA

Ggp5

Lnp5

Ggp6

Ggp3

Lnp2

Ggp1

Lnp-8

Lnp3

Lnp9

Ggp2

Lnp1

Ggp4

दाङ । नेपाली काँग्रेसका केन्द्रीय सदस्य तथा पुर्ब सिँचाई मन्त्री दिपक गिरीले एमसिसि प्रोजेक्ट अनुसार सडक र बिद्युतमा उल्लेख्य स्तर बृद्दी हुने बताएका छन ।

एमसिसि प्रोजेक्टबाट बिस्तार हुने सडकमा पत्रिका पढेर आरामदायी यात्रा गर्न सकिने उनले बताए । नेपाली काँग्रेस लमही नगरपालिका वडा नम्बर ७ को वडा समितीले शुक्रबार कप्तानगञ्जमा आयोजना गरेको पार्टी प्रबेश कार्यक्रममा यस्तो बताएका हुन । उनले देशका निम्ति काँग्रेस अपरिहार्य भएका कारण अब काँग्रेसको बिकल्प नरहेको बताए । दुई तिहाईले सरकार चलाउन नसकेर देश ध्वस्त हुने अबस्थामा जाँदा काँग्रेसको नेतृत्वले देशको लोकतन्त्रको रक्षा गर्न सरकारमा आएको बताए । जनताको मतका आधारमा प्रतिपक्षमै रहेर चुनाबमा जाने काँग्रेसको सोँच रहेपनि कम्युनिस्टले देशलाई खतरा तर्फ धकेल्दै जाँदा अदालतको प्रमादेश अनुसार शेर बहादुर देउबा प्रधानमन्त्री बनेर सरकारको नेतृत्व गरेको स्पष्ट पारे ।

दुईतिहाई मत पाएर पनि सरकार चलाउँन नसक्दा जनताको बिचमा जाने अस्तित्व सकिए पछि कम्युनिस्टले अहिले एमसिसीको बिरोध गरिरहेको आरोप लगाए । एमसिसि देशकै हितमा रहेको जिकिर गर्दै नेता गिरीले प्याकेज अनुसार नेपालको बिद्युत र सडक क्षेत्रमा काम हुने जानकारी गराए । दाङको धानखोला देखि पश्चिम शिबखोला, पुर्ब चन्द्रोटा हुँदै बुटवल सम्म सडक फराकिलो हुनुको साथै स्पिड गाडीमा पनि पत्रिका पढ्न सक्ने गरि एमसिसि प्रोजेक्ट अनुसार सडक बिस्तार हुने बताए । देशको समृद्दीका लागि ल्याईएको एमसिसिले समग्र नेपालीलाई खुसीको अनुभूति दिलाउने भन्दै नेता गिरिले कम्युनिस्टको गलत प्रचारमा नलाग्न सबैलाई सुझाए । नेता गिरीले समग्र वडाको कामलाई मुल्याँकन गरि स्वतस्फुर्ट रुपमा प्रबेश हुने साथीहरुले अबको निर्बाचनमा काँग्रेसको चारतारे झण्डा फहराउँदै जित दिलाउन आग्रह समेत गरे ।

कार्यक्रममा केन्द्रिय महाधिबेसन प्रतिनिधि तथा लमही नगरपालिका वडा नम्बर ७ का वडाध्यक्ष मोहन गिरीले बिगत ५ बर्षदेखी वडाले गरेका विभिन्न कामहरुको मुल्याँकन गर्दै काँग्रेसमा प्रबेश भएकोमा आफू बिश्वस्त रहेको बताए ।”म बिश्वस्त छु, हाम्रो टिमको काम देखेर प्रभाबित हुनुभयो-गिरीले भने निरन्तर हामी काममै छौ, हिजो पनि सँगै आज र भोलीपनि सँगै हुनेछौ ।”

जनतालाई रिझाउन काम नै आबस्यक पर्ने भएकाले सबै काँग्रेसी साथीहरु जनताको सेवामा तल्लिन रहन आग्रह गरे । वडाका विभिन्न गल्ली तथा कुना काप्चामा समेत वडा सरकारको अनुभूति दिलाउन भएका विभिन्न कामहरु प्रस्ट देखिएको बताए । उनले भने हामीले भन्दापनि प्रस्ट देखिएको छ, आफै मुल्याँकन गर्नुहोस । यसर्थपनि उनले आगामी निर्बाचनमा गाउँगाउँ गल्लीगल्लीबाट काँग्रेसलाई जित दिलाउन सबै लाग्नुपर्ने अबस्था आएको बताए ।

कार्यक्रममा विभिन्न पार्टी परित्याग गर्दै ७६ जना नेपाली काँग्रेसमा प्रबेश भएका छन । नेकपा एमाले र माओबादी केन्द्रको प्रभाबित क्षेत्रको रूपमा परिचित कप्तानगञ्ज, कर्रीटोल, जनकपुर र नयाबस्तीबाट गरि ७६ जना विभिन्न पार्टी परित्याग गर्दै नेपाली काँग्रेसमा प्रबेश भएका हुन । बिगत धेरै बर्षदेखी नेकपा एमालेमा रहेर काम गरिरहेका प्रभाबशाली ब्यक्तिहरुपनि काँग्रेसमा प्रबेश भएपछि एमालेमा पहिरो नै गएको छ ।

जनपुरबाट भागिराम चौधरी, खिमलाल पुन र कप्तानगञ्ज देखी बान खत्री सहित ७६ जना प्रबेश भएका हुन । उल्लेखित नामहरु बिगत लामो समयदेखी एमालेको खम्बाका रुपमा परिचित ब्यक्तिहरु हुन । उनिहरुलाई पार्टी प्रबेश गराउँदै काँग्रेसी नेताहरुले फुल माला अबिरले भब्य स्वागत गरेका हुन ।

कार्यक्रममा नेपाली काँग्रेस दाङ्ग जिल्ला सभापती शँकर डाँगी, सचिब बालिका लम्साल, उप सभापती गिरिराज सुवेदी, महाधिबेसन प्रतिनिधीहरु जानकिलाल बस्नेत, मधु प्रसाद न्यौपाने लगायतका बक्ताले बोलेका थिए । नेपाली काँग्रेस लमही नगरपालिका वडा नम्बर ७ का वडा सभापती सालिकराम चौधरीको शभापतित्व तथा केन्द्रीय सदस्य एबम् पुर्ब मन्त्री दिपक गिरीको प्रमुख आतिथ्यमा कार्यक्रम भएको हो ।

क्षेत्रिय प्रतिनिधि प्रेमलाल चौधरीको स्वागत मन्तब्यबाट शुरु भएको कार्यक्रमको सहजिकरण क्षेत्र नम्बर १ प्रदेश सभा ख का सहसचिब कुल बहादुर बुढा मगरले गरेका हुन ।