NKS

Rspls

sbsg

Unku

Rkkc

Rgup

nkpm

SAbk

RppdA

Ggp2

Lnp-8

Lnp3

Ggp3

Ggp4

Lnp2

Ggp5

Lnp5

Lnp9

Ggp6

Ggp1

Lnp1

चितवन । भरतपुर महानगरको प्रमुख र उपप्रमुखमा पाँचचदलीय गठबन्धनका उम्मेदवार विजयी भएका छन्। महानगर प्रमुखमा गठबन्धनबाट नेकपा माओवादी केन्द्रकी रेनु दाहाल र उपप्रमुखमा नेपाली कांग्रेसका चित्रसेन अधिकारी विजयी भएका हुन्।

दाहालले निकटतम् प्रतिस्पर्धी नेकपा एमालेका विजय सुवेदीलाई १२ हजार ४४९ मतान्तरले पराजित गरेकी हुन्। दाहालले ५२ हजार ३० मत प्राप्त गर्दा सुवेदीले ३९ हजार ५८१ मत प्राप्त गरेको प्रारम्भिक तथ्यांक सार्वजनिक भएको छ। मुख्य निर्वाचन अधिकृतको कार्यालयले रुजु गरेर अन्तिम मत विवरण सार्वजनिक गर्न बाँकी छ।

यस्तै स्वतन्त्रका उम्मेदवार जगन्नाथ पौडेलले १४ हजार ७२८ मत प्राप्त गरे। दाहाल २०७४ को स्थानीय तहको निर्वाचनमा समेत कांग्रेसको सहयोगमा महानगर प्रमुखमा निर्वाचित भएकी थिइन्। भरतपुर महानगरका २९ वडामा एक लाख २७ हजार ८३९ मत खसेको थियो।

२९ वडामध्ये कांग्रेसले वडा नं १, २, ४, ५, ६, ८, १०, १४, १५, १६, १७, २०, २१, २३, २७ र २९ मा विजय हासिल गरेको छ। एमालेले ३, ११, १२, १८, १९ र २८ मा जितेको छ। माओवादी केन्द्रले १३, २४ र २६ तथा नेकपा एकीकृत समाजवादीले ७, ९ र २२ वडामा विजय हासिल गरेको छ। त्यस्तै वडा नं २५ मा स्वतन्त्र उम्मेदवार विजयी भएका छन्।