प्यूठान । प्युठान जिल्लाको सरुमारानी गाउँपालिकाका प्रमुख प्रशासकीय अधिकृत चिन्तामणी रेग्मी सम्मानित भएका छन् । गाउँपालिकाको बेरुजु शुन्य बनाउन महत्वपूर्ण भूमिका खेलेको भन्दै सरुमारानी गाउँपालिकाले अधिकृत रेग्मीलाई आज सम्मान गरेको हो ।
आर्थिक वर्ष २०७८/०७९ को तेस्रो चौमासिकको सार्वजनिक सुनुवाई कार्यक्रमको अवसरमा गाउँपालिका अध्यक्ष झग बहादुर बिश्वकर्मा र उपाध्यक्ष बसन्ता खड्काले दोसल्ला र प्रशंसा पत्रले सम्मान गरेका थिए । गाउँपालिका कर्मचारी र जनप्रतिनिधिको मेहनतले पालिकाको बेरुजु शुन्य भएको प्रमुख प्रशासकीय अधिकृत रेग्मीले बताए । आर्थिक वर्ष गाउँपालिकाको २०७७/०७८ को बेरुजु शून्य छ।