Unku

Rgup

SDBS

RppdA

Jmbp

SAbk

Rspls

jmb

Smbk

Rkkc

NKS

sbsg

Vim

nkpm

Jmbg

Lnp2

Lnp-8

Ggp1

Lnp9

Ggp3

Ggp5

Jmb

Lkpuss

Lnp1

Lnp5

Ggp2

Ggp4

Lnp3

Ggp6

दाङ । राष्ट्रिय जनमोर्चा निकट अखिल नेपाल शिक्षक संघको दोश्रो लुम्बिनी प्रदेश स्तरीय भेला सम्पन्न भएको छ ।

दाङको भालुवाङमा प्रदेश अध्यक्ष बालाराम पोख्रेलको अध्यक्षतामा शनिबार दोश्रो लुम्बिनी प्रदेश स्तरीय भेला सम्पन्न भएको हो । सो अवसरमा वक्ताहरुले नेपालको शिक्षा प्रणाली सुधारका लागि शिक्षा ऐनमा भएको व्यवस्थामा शिक्षकले विगतदेखि उठाउँदै आएका माग र समस्याका बारेमा राज्यले चासो नदिएको गुनासो गर्नुभयो ।

समाजलाई चेतना प्रदान गर्न दिनरात नभनी शिक्षा सेवामा खटिएका शिक्षकहरुको व्यावसायिक सुरक्षाका सवालमा राज्यले अझै पनि उदार हुन नसकेको नेपाल शिक्षक संघका केन्द्रीय समिति महासचिव चक्रपाणी पौडेलले बताउनुभयो ।
भेलाको प्रमुख अतिथिसमेत रहनुभएको महासचिव पौडेलले राज्यले शिक्षकहरुलाई अहिले पनि उपेक्षाको दृष्टिकोण हेर्दा यसको असर शिक्षा क्षेत्रमा परेको बताउनुभयो । दक्ष जनशक्ति उत्पादनको आधार थलोका रुपमा रहेका शिक्षकहरुको समस्या समाधानमा लामो समयदेखि शैक्षिक आन्दोलन गर्दै आएकाले यसविषयमा राज्यले ध्यान दिनुपर्ने बताउनुभयो ।

त्यस्तै भेलामा राष्ट्रिय जनमोर्चाका केन्द्रीय सदस्य गणेश आचार्य, प्रदेश सल्लाहकार सूर्य थापा, अखिल नेपाल शिक्षक संघका उपमहासचिव तारा बेल्बासे, केन्द्रीय कोषाध्यक्ष प्रेमनारायण आचार्य, पूर्व केन्द्रीय सदस्य कपीलदेव खनाललगायतले बोलनुभएको थियो । प्रदेश उपाध्यक्ष ईश्वरी आचार्यको स्वागत मन्तव्यबाट शुरु भएको कार्यक्रमको सहजीकरण प्रदेश सचिव रुमाल बस्यालले गर्नुभएको थियो ।