दाङ । दाङमा गत वर्ष शतप्रतिशत धान रोपाई सम्पन्न भएकोमा यो वर्ष अझै पन्ध्र प्रतिशत जमिनमा रोपाई हुन बाँकी रहेको छ । जिल्लामा ३९ हजार ४ सय हेक्टर क्षेत्रफलमा धान खेति हुदै आएकोमा करिव ८४ प्रतिशत जमिनमा मात्र धान रोपाई सम्पन्न भएको कृषी ज्ञान केन्द्र दाङले जानकारी दिएको छ । केन्द्रका अनुसार अझै जिल्लामा पन्ध्र ÷सोह्र प्रतिशत धान रोपाई हुन बाँकी रहेको छ ।
यो वर्ष समयमा पानी नपरेका कारण घोराही र तुलसीपुरमा साउनको अन्तिम साता भई सक्दा समेत अझै रोपाई जारी रहेको कृषी ज्ञान केन्द्र दाङका सुचना अधिकारी मनोजकुमार सिंहले जानकारी दिनुभयो । जिल्लाको देउखुरी क्षेत्रमा मात्र शतप्रतिशत धान रोपाई सम्पन्न भएको छ । अन्य पालिकाहरुमा भने रोपाई हुन बाँकी रहेको छ । जसअनुसार देउखुरी क्षेत्रको राप्ती, गढवा,राजपुर र लमहीमा ९८ प्रतिशत धान रोपाई सम्पन्न भएको छ ।
त्यसैगरी, तुलसीपुर उपमहानगरपालिका,द ंगीशरण र बबई गाउँपालिकामा ७० प्रतिशत रोपाई सम्पन्न भएको छ भने घोराही उपमहागनरपालिकामा ७८ प्रतिशत, शान्तिनगरमा ८५ प्रतिशत, बबईमा ७० प्रतिशत र बंगलाचुलीमा ८० प्रतिशत धान रोपाई भएको सुचना अधिकारी सिंहले जानकारी दिनुभयो । जसमा ६० प्रतिशत क्षेत्रफल आकाशे भरमा खेति हुने गरेको छ भने ४० प्रतिशत क्षेत्रफलमा सिंचाईको सुविधा रहेको छ ।