Rspls

Rgup

Vim

Jmbg

Jmbp

Smbk

SAbk

Rkkc

jmb

NKS

SDBS

RppdA

Unku

sbsg

nkpm

Ggp3

Jmb

Lnp9

Lnp1

Ggp5

Lkpuss

Ggp2

Ggp1

Ggp6

Ggp4

Lnp3

Lnp5

Lnp-8

Lnp2

दाङ । दाङमा क्षयरोगका बिरामीहरु बढ्दै गएका छन् । स्वास्थ्य कार्यालय दाङका अनुसार गएको आर्थिक वर्ष २०७८/७९ मा मात्रै १ हजार ४४३ जनामा क्षयरोग संक्रमण देखिएको थियो ।

यो संख्या गएका अन्य आर्थिक वर्षको तुलनामा भन्दा बढी हो । अहिले जिल्लामा क्षयरोगको जाँच बढाएकाले पनि बिरामीको संख्या बढी देखिएको स्वास्थ्य कार्यालय दाङका क्षयकुष्ट रोग अधिकृत डम्बर बहादुर कुवरले जानकारी दिनुभएको छ ।

जिल्लामा गएको आर्थिक वर्ष २०७७/७८ र २०७८/७९ मा कोरोना संक्रमणका कारण क्षयरोगका बिरामीको संख्या शुन्य थियो । आर्थिक वर्ष २०७६/७७ मा जिल्लामा करिब १२ सय जनामा क्षयरोग देखिएको थियो ।

सरकारले क्षयरोगका बिरामीहरुको चेकजाँच र उपचारको व्यवस्था निःशुल्क गर्दै आएको छ । क्षयरोग लागेका बिरामीले नबिराई ६ महिनासम्म औषधी खानु पर्छ । क्षयरोग पुष्टि भएका मध्य ३/४ जनालाई एकवर्ष देखि १८ महिनासम्म पनि औषधी खानु पर्ने क्षयकुष्ठ अधिकृत कुवरले जानकारी दिनुभयो ।

जिल्लामा क्षयरोग पुष्टि भएका मध्ये ९१ प्रतिशतको उपचार सफल हुने गरेको अधिकृत कुवरले बताउनुभयो । उहाँका अनुसार ३.९ प्रतिशतको मृत्यु हुने गरेको छ । लुम्बिनी प्रदेशका अन्य जिल्लामा भन्दा दाङमा क्षयरोगको उपचार सफल हुनेको संख्या बढी भएको कुवरको भनाई छ ।

स्वासप्रश्वासको माध्यमबाट सर्ने यो रोगबाट बच्नको लागि चाडै उपचारको लागि अस्पतालमा लैजानुका साथै घरमा बस्दा पनि मास्क प्रयोग गर्ने, परिवारका अन्य सदस्यसँग सुरक्षित भएर बस्ने, जथाभावी नथुक्ने र औषधी नियमित खानु पर्ने अधिकृत कुवरले बताउनुभयो ।