दाङ । कसैको घरमा दशैं त कसैको घरमा दसा भने झै दशैं सबैको घरमा फरक फरक भएतापनि यस वर्ष दशैंको बेलामा परेको अविरल वर्षाका कारण कोही घरबार बिहिन भए कतिका खेतीपाती नष्ट भए त कति का घर बाढीका कारण मृत्यु भई दशैं शोक मा बदलियो ।
दशैंको मौकामा परेको वर्षातले लमही नगरपालिका वार्ड नम्बर १ पनि अछुतो रहेन । दशैंको मौकामा वर्षातले कहा कति क्षति पुर्यो भनी प्रत्यक्ष टोल टोलमा पुगी लमही नगरपालिका वार्ड नम्बर १ का वार्ड अध्यक्ष श्री दामोदर पौडेलले त्यहाको वस्तु स्थितिको अवलोकन गर्नुभएको छ ।त्यस्तै आज लमही नगरपालिका वाड नम्बर १ मा क्षति पुगेका घरपरिवारमा केही राहत होस् भनी नर्ति,सुन्डबरी तथा कौडीयामा बसोबास गर्ने १३ जना बढी क्षति एबम् प्रभावित व्यक्तिका घरपरिवारलाई १ बोरा चामल,तेल,दाल र नुन दिई राहत वितरण कार्यक्रम गरियो ।
लमही नगरपालिका वार्ड नम्बर १मा वर्षातले गर्दा कति क्षति भएको एकिन अझै हुन नसकेपनि करिब ६० घर डुबानमा र १५ घर भत्किएको अध्यक्ष पौडेलले जानकारी दिनु भएको छ ।