बर्दिया । नेपाल प्रहरीले ४.७ ग्राम लागूऔषध खैरो हिरोइन सहित चार जनालाई पक्राउ गरेको छ ।
पक्राउ पर्नेमा बाँकेको खजुरा गाउँपालिका वडा नम्बर ४ का सिमोन विक र ललित भुजेल तथा खजुरा गाउँपालिका-१ का भानु सिग्देल र नेपालगञ्ज उपमहानगरपालिका वडा नम्बर ४ का राजेश विक रहेका छन् ।
जिल्ला प्रहरी कार्यालय बर्दिया खटिएको प्रहरी टोलीले बढैयाताल गाउँपालिका-२ फुटाह दशगजा स्थित भारतबाट नेपालतर्फ आउँदै उनीहरुलाई पक्राउ गरेको जिल्ला प्रहरी कार्यालय बर्दियाका प्रवक्ता हिक्मत बहादुर कार्कीले जानकारी दिए ।
त्यस्तै पक्राउ परेका उनीहरुमाथि बर्दिया जिल्ला अदालत गुलरियाबाट लागु औषध मुद्दामा म्याद थप गरी थप अनुसन्धान भइरहेको प्रहरीले जनाएको छ ।