Unku

Vim

Jmbp

sbsg

Rkkc

Rgup

Jmbg

SAbk

SDBS

nkpm

Rspls

jmb

RppdA

Smbk

NKS

Ggp1

Lnp3

Ggp5

Jmb

Ggp4

Lnp-8

Lkpuss

Ggp2

Ggp6

asbus

Lnp1

Lnp9

Lnp2

Ggp3

Lnp5

दाङ । एकातिर लागु औषध शेवनले मानसिक तथा सारिरिक रुपमा शिथिल पारी,ब्यक्तिको सोच्ने शक्ति क्षीण पार्छ भने मानसिक सन्तुलन गुम्नुको साथै यसले घरपरिवारमा समेत तनाव उत्पन्न गर्द छ ।

घरपरिवारमा झैझगडा हुन्छ भने कतिपय दुर्वेसनी आत्मा हत्या गर्न सम्म पुग्छन भने अर्को तिर लागु औषध सेवन,संचित,भण्डारण तथा ओसारपसार नेपालको कानुन बिपरितहो र यसमा हदै सम्मको कानुनी कार्वाहीको प्रावधान रहेको कुरामा आज एक कार्यक्रमका बक्ताहरुले चर्चा गरेका छन् ।

देउखुरीको लमही-६ देउपुरमा रहेको केयर भिजन सुधार गृहको आयोजना तथा देउखुरी पब्लिक स्कुल र वडा प्रहरी कार्यालय लमहीको समन्वयमा सोमबार लमहीमा आयोजना गरिएको ३६ औं लागु औषध दुरुपयोग तथा ओसारपसार विरुद्धको अन्तर्राष्ट्रिय दिवसमा सहभागी बक्ताहरुले लागु औषध सम्बन्धि चर्चा गरेका हुन् ।

केयर भिजन सुधार गृहबाट वडा प्रहरी कार्यालय लमहीका सुरक्षाकर्मी, देउखुरी पब्लिक स्कुलका शिक्षक, विद्यार्थीहरु, वडाका जनप्रतिनिधि र विभिन्न संघ संस्थाका प्रतिनिधिहरु सम्लित र्‍यालीले ब्यानर, विभिन्न किसिमका चेतना मुलक नारा लेखिएका प्ले कार्ड बोकि चेतना मुलक जिंगलका साथ लमही बजार परिक्रमा गरि बसपार्कमा पुगि कार्यक्रमा परिणत भएको थियो ।

उक्त कार्यक्रममा वडा प्रहरी कार्यालय लमहीका प्रहरी नायव निरीक्षक बिष्णु बहादुर केसीले लागु औषधको मात्रा हेरि कानुनी प्रावधान रहेको बताए । ३ महिना देखि जन्म कैद सम्मको सजाय लागु औषधमा संलग्न ब्यक्तिहरुलाई हुन सक्ने र लाख रुपैयाँ सम्म जरिवाना वा दुबै सजायको प्रावधान समेत रहेकोछ। कुनैकुनै बाहिर देशहरूमा त लागु औषधका केसहरुमा मृत्युदण्डको समेत व्यवस्था रहेको प्रनानि केसी भनेका छन् ।

त्यस्तै देउखुरी पब्लिक स्कुलका शिक्षक तथा केयर भिजन सुधार गृहका काउन्सिलर दिपक खनालले लागु औषधको परिभाषा,यस्को प्रयोगले समाज तथा परिवारमा पार्ने नकारात्मक असर र स्वंय ब्यक्तिमा पार्ने गम्भीर असरका बारेमा बताएका थिए । त्यस्तै वडा नम्बर ६ का वडा सदस्य मन्सरी रसाइलीले बाल बच्चा उमेर देखिनै जाँडरक्सी,चुरोट,बिडि,खैनी जस्ता दुर्वेसनीबाट टाढा रहन आग्रह गरेकि थिइन । सुरुमा यिनि चिजको सेवन बाटै लागु औषध सेवन सम्म पुगिने भएकोले सबै चनाखो हुनु पर्ने उनको भनाइ रहेको थियो ।

कार्यक्रममा केयर भिजन सुधार गृहका अध्यक्ष गिरिराज शर्मा समेत १४ जना तथा प्रहरी कर्मचारी तथा विभिन्न संघसंस्थाका सयौंको संख्यामा सहभागीहरुको उपस्थिति रहेको थियो । कार्यक्रम अध्यक्ष शर्माको निर्देशमा केयेर भिजन सुधार गृहका पवन थापाले कार्यक्रममा सहभागी सबैलाई धन्यवाद ज्ञापन गर्दै समापन गरेका थिए ।