Rspls

Smbk

RppdA

SAbk

Rgup

Jmbg

nkpm

Vim

Unku

NKS

SDBS

sbsg

jmb

Jmbp

Rkkc

Ggp2

Lnp5

Lnp-8

Lkpuss

Lnp3

Ggp1

Lnp1

Lnp2

Jmb

Ggp3

Ggp6

Ggp4

Lnp9

asbus

Ggp5

दाङ । तुलसीपुरको कारागार कार्यालयमा रहेका महिला कैदीबन्दीहरुलाई नयाँ भवनमा सारिएको छ ।

पुरानो भवनमा बस्दै आएका कैदीबन्दीहरुलाई बिहीबारदेखि नयाँ भवनमा सारिएको कारागार कार्यालय तुलसीपुरका प्रमुख चिन्तामणी रेग्मीले जानकारी दिनु भयो ।

दाङ जिल्ला सहायक प्रमुख सावित्रा पुनले नवनिर्मित भवनको उद्घाटन गरेपछि ४९ जना महिला कैदीबन्दी र तीन जना आश्रित बालबालिकालाई नयाँ भवनमा सारिएको हो । यसअघि तीन वटा कोठामा मात्रै ४९ जना महिला कैदीबन्दी र तीन जना आश्रित बालबालिकाका बस्दै आएको प्रमुख रेग्मीले बताउनु भयो । पुरानो भवनमा महिला कैदीबन्दीहरुका लागि बसाई कष्टकर भएपछि नयाँ भवन निर्माण गरिएको हो । जेलर रेग्मीका अनुसार नयाँ भवनमा ८५ जना कैदीबन्दीलाई राख्न सकिने छ ।

लुम्बिनी प्रदेश सरकारको ३ करोड ८८ लाखको बजेटमा उक्त भवन निर्माण भएको छ भने सो नयाँ भवनमा १८ वटा कोठा रहेका छन् । भवन निर्माणका लागि प्रशंसा कन्ट्रक्सनले २०७८ साउन २५ गते सम्झौता गरि २०८० भदौ १ गते सक्ने गरि सम्झौता गरेको थियो । तर उक्त कम्पनीले सम्झौता गरेको समय अगावै असार मसान्तभित्रै निर्माण कार्य सम्पन्न गरिसकेको थियो ।

त्यस्तै नयाँ निर्मित भवनको उद्घाटन कार्यक्रमलाई सम्बोधन गदै पुनले महिला कैदीहरुलाई बस्न निकै समस्या हुने गरेकाले नयाँ भवन निर्माणमा ताकेता गरेको बताईन् । भवन निर्माण भएपछि कैदी महिलाहरु पनि खुसी भएका छन् । तुलसीपुरमा महिला र पुरुषका लागि छुट्टाछुट्टै भवन निर्माण गरिएको छ । यसअघि पुरुष कैदीबन्दीलाई नयाँ भवनमा राखिएको थियो ।

यस्तै तुलसीपुरमा हाल ४ सय ७७ पुरुष, ४९ जना महिला, ३ जना आश्रित बालबालिका र १४ जना विदेशी कैदीबन्दी रहेका छन् । कार्यालयका नायब सुब्वा रम्बा केसीको स्वागत मन्तव्यबाट सुरु भएको कार्यक्रमको सहजीकरण दोर्ण वलीले गर्नु भएको थियो ।