Jmbp

nkpm

SAbk

Rgup

Vim

Jmbg

NKS

Unku

SDBS

jmb

RppdA

Smbk

sbsg

Rkkc

Rspls

Jmb

Lnp9

Ggp5

Ggp3

Lnp5

Ggp2

Lnp-8

Lnp1

Lkpuss

Ggp6

Ggp4

Ggp1

Lnp3

Lnp2

दाङ । प्रधानमन्त्री कप लुम्बिनी प्रदेशस्तरीय एक दिवसिय क्रिकेट छनोट प्रतियोगिताको त्यस्रो खेलमा बाँके बिजयी भएको छ ।

लमहीस्थित देउखुरी अन्तर्राष्ट्रिय क्रीकेट रंगशालामा भएको खेलमा दाङ, बाँकेसँग ३ विकेटले पराजित हुन पुग्यो । यो जित सँगै बाँकेले फाईनलको यात्रा तय गरेको छ ।

टस जितेर पहिला ब्याटिङ गरेको दाङले ३९ ओभर खेल्दै आफ्नो सम्पूर्ण विकेट गुमाएर १ सय ४४ रन बनायो । दाङका लागि सर्वाधिक मोहन खत्री र आशिष वलिले समान ४६-४६ रन बनाए । खत्रि र वलीले पाचौं विकेटको लागि ७६ रनको साझेदारी गरेपनि जितका लागि स्कोर तयार गर्न भने सकेनन् । मोहनले ५६ बलमा २ चौका र एक छक्काको मद्दतमा ४६ रन बनाए भने आशिषले ७९ बलमा २ चौकाको मद्दतमा ४६ रन बनाए ।

त्यस्तै कप्तान सुशान्त सिङ थापाले १४ रन बनाए । अन्यले दोहोरो अंकमा रन बनाउन सकेनन् । दाङलाई सस्तैमा समेट्न बाँकेका विजय चौधरी, लभकुश यादव र धन बहादुर छेत्रीले समान २-२ विकेट लिए । जवाफी १ सय ४५ रनको लक्ष्य पछ्याउँदै मैदान उत्रेको बाँकेले ३५.४ ओभरमा आफ्नो महत्त्वपूर्ण ७ विकेट गुमाएर भेट्टायो । बाँकेलाई जित दिलाउन सुनिल भण्डारीले सर्वाधिक ३८ रनको पारी खेले । त्यस्तै मोहम्मद सादाब अन्सारीले १७ रन, सिद्धान्त राज शाहीले १४ रन , राहुल शर्माले ११ रन बनाए । त्यस्तै विजय चौधरीले नटआउट १० रन र लभकुश यादवले २१ रन नटआउट हुँदै टिमलाई जित दिलाए । अन्यले दोहोरो अंकमा रन बनाउन सकेनन् ।

दाङका सुजल वलिले ८ ओभरमा २९ रन खर्चेर ४ विकेट लिएपनि टिमलाई जित दिलाउन सकेनन् । त्यस्तै विर बहादुर घर्ती मगरले ६ ओभरमा १ मेडन राखी २२ रन खर्चेर २ विकेट लिए । प्रतियोगितामा बाँकेका लभकुश यादब म्यान अफ दि म्याच घोषित भए । प्रधानमन्त्री कपका लागि छनौट प्रतियोगिताको आयोजना गरिएको हो । पौष १२ देखि २२ गते सम्म सँचालन भएको छनौट प्रतियोगितामा लुम्बिनी प्रदेशका ७ जिल्लाले सहभागी जनाएका थिए ।

सहभागी टिमहरुलाई दुई भागमा बिभाजन गरिएको थियो । समूह ए मा रुपन्देही, पाल्पा, नवलपरासी र कपिलबस्तु थिए भने समूह बि मा दाङ, बाँके र बर्दिया रहेका छन । यो भन्दा अघि समूह ए बाट नवलपरासी फाईनल प्रबेश गरेको छ भने समूह बि बाट दाङलाई हराउँदै बाँके फाईनल प्रबेश गरेको हो । बाँके र नवलपरासी बिचको फाईनल प्रतिस्प्रधा आईतबार भैरहवामा हुनेछ ।

यस्तै प्रतियोगितामा उत्कृष्ट खेलाडी हरुको छनौट गरि लुम्बिनि प्रदेश क्रिकेट टिम खडा गरिनेछ र सो टिम आगामी २७ गतेदेखी हुने प्रधानमन्त्री कपमा सहभागी हुनेछ ।