NKS

Jmbp

Vim

Smbk

SAbk

Rgup

sbsg

jmb

Unku

RppdA

SDBS

nkpm

Jmbg

Rspls

Rkkc

Lnp9

Ggp5

Ggp6

Lnp2

Ggp3

Lnp-8

Lnp3

Lnp5

Lkpuss

Ggp4

Lnp1

Ggp2

Ggp1

Jmb

काठमाडौं । आज राष्ट्रियसभा सदस्यको निर्वाचन हुँदैछ । बिहान ९ बजेदेखि मतदान सुरु हुने र परिणाम पनि आजै सार्वजनिक गरिने निर्वाचन आयोगले जानकारी दिएको छ ।

बिहान ९ बजेदेखि अपराह्न ३ बजेसम्म सम्बन्धित प्रदेशको तोकिएका मतदानस्थल तथा मतदान केन्द्रमा मतदान हुनेछ । मतदान सकिएलगत्तै मतगणना सुरु हुने आयोगले जानकारी दिएको छ । प्रमुख निर्वाचन आयुक्त दिनेश थपलियाका अनुसार मतगणना सुरु भएको ३/४ घण्टाभित्रै परिणाम सार्वजनिक भइसक्छ ।

त्यस्तै राष्ट्रियसभा सदस्यमध्ये एक तिहाई सदस्यहरूको पदावधि प्रत्येक २र२ वर्षमा समापन हुन्छ । त्यसरी पदावदि सकिएका राष्ट्रियसभा सदस्यको रिक्त पदमा प्रक्रियाबाट उनीहरू राष्ट्रियसभा सदस्य बनेका हुन् सोही प्रक्रियाबाट पूर्ति गरिन्छ ।

अहिले राष्ट्रियसभामा रिक्त हुन लागेका २० सिटमध्ये १९ सिटमा निर्वाचन हुन लागेको हो । एक सिट भने राष्ट्रपतिबाट मनोनित हुनेको सकिएकाले उक्त सिटमा पनि राष्ट्रपतिबाटै मनोनित गरिनेछ ।

आज हुने मतदानमा विभिन्न आठ राजनीतिक दलले ५१ उम्मेदवारलाई मैदानमा उतारेका छन् । राष्ट्रियसभा निर्वाचनमा प्रदेशसभा सदस्य, नगरपालिका प्रमुखरउपप्रमुख तथा गाउँपालिका प्रमुख/उपप्रमुख मतदाता हुन्छन् । अहिले कुल २ हजार ४७ मतदाता रहेकामा उनीहरूको जम्मा मतभार ५७ हजार ५५९ छ । निर्वाचन आयोगले प्रदेशसभा सदस्यको ५३ र स्थानीय तहका प्रमुखरउपप्रमुखको १९ मतभार तोकेको छ । आगामी फागुन २१ देखि रिक्त हुने १९ राष्ट्रियसभा सदस्यका लागि आज निर्वाचन हुन लागेको हो । कानुनतः पदावधि सकिनु ३५ दिनअगावै निर्वाचन गर्नुपर्ने व्यवस्था छ ।

यस्तै निर्वाचन आयोगका अनुसार निर्वाचनमा प्रदेशसभाका सदस्यका लागि सेतो रङको कागजमा हरियो रङको मसीको विवरण तथा निर्वाचन चिह्न रहेको मतपत्र र गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुखका लागि सेतो रङको कागजमा रातो रङको मसीको विवरण तथा निर्वाचन चिह्न रहेको मतपत्रको व्यवस्था गरिएको छ ।