sbsg

RppdA

Rkkc

NKS

nkpm

Rspls

Rgup

SAbk

Unku

Ggp2

Lnp9

Ggp3

Lnp1

Lnp5

Ggp6

Lnp3

Ggp4

Ggp5

Ggp1

Lnp2

Lnp-8

दाङ । देउखुरीको राप्ती गाउँपालिका वडा नम्बर ३,मसुरियामा रहेको घण्टदेव सामुदायिक वन उपभोक्ता समूहको अध्यक्षमा दुर्योधन पाण्डेको प्यानल भारिमतका साथ विजय भएको छ ।

समूहको नयाँ नेतृत्व चयनका लागि सोमबार भएको निर्वाचनमा अध्यक्ष पदका उम्मेदवार पाण्डेले ९५ मतान्तरका साथ प्रतिद्वन्द्वी हरिप्रसाद भुसाललाई पराजित गर्दै पुरै प्यानल सहित विजय भएका हुन् ।

समूहको कुल १ हजार १ सय ७७ मतदाता रहेकोमा ८ सय ७६ मत खसेकाे थियो भने ५ मत बदर भएको थियो । पाण्डेले ४६५ मत ल्याउदा भुसालले ३७० मत ल्याएका छन् । त्यसैगरि उपाध्यक्षमा भुसाल जगबहादुर चाैधरीले ३१५ मत ल्याउँदा पाण्डे प्यानलका उपाध्यक्ष टेकबहादुर गिरी ५०६ मत ल्याएर विजय भएका छन् ।

भुसाल प्यानलका सचिवमा संगिता चाैधरी ३३८ मत ल्याउँदा सुधाकुमारी शाहीले ४७४ ल्याएर विजय भएका छन् । भने कोषाध्यक्ष पदमा पनि भुसाल प्यानलका बाबुराम गैरेले ३६५ मत ल्याउँदा भानबहादुर घर्तीले ४६० मत ल्याएर विजय भएका छन् ।

त्यसैगरि सदस्यहरूमा पनि पाण्डे प्यानलका दमन्ती थापामगर ४६७, खुमीसरा रोका ४५५, बिन्दु परियार ४५६, राजकुमारी घर्तीमगर ४५८, गोमती पुनमगर ४५४, उब्जलाल पुन ४६०, सन्तोष भण्डारी ४६४, मिल्कु चौधरी ४५२ र गुरुदेब चौधरी ४५५ मत ल्याएर विजय भएका छन् ।

पाण्डे नेतृत्वको साझा प्यानललाई नेपाली काँग्रेसको आर्को पक्ष सहित नेकपा माओवादी केन्द्र, राष्ट्रिय प्रजातन्त्र पार्टी (राप्रपा) र नेपाल कम्युनिष्ट पार्टी (बिप्लब समूह) को समर्थन रहेको थियो । अध्यक्ष भुसाल नेतृत्वको संयुक्त प्यानललाई नेपाली काँग्रेसको एक पक्ष सहित नेकपा एमाले र राष्ट्रिय जनमोर्चाको समर्थन रहेको थियो । भुसाल नेपाली काँग्रेसका महाधिवेशन प्रतिनिधि हुन् भने पाण्डे काँग्रेसका लुम्बिनी प्रदेश समिती सदस्य हुन् । गत फागुन ५ गते शनिबार भएको १७ औँ बार्षिक साधारणसभा तथा अधिवेशनमा नयाँ नेतृत्व चयनमा सहमति हुन नसकेपछि निर्वाचनमा भएको थियो ।

वन समूहको नयाँ नेतृत्वका लागि नेपाली काँग्रेसका नेतादोय हरिप्रसाद भुसाल र दुर्योधन पाण्डेले आ-आफ्नो अडान नछोडेपछि निर्वाचनमा गएको निर्वाचन उप-समिती गठन गरेर प्रक्रिय अगाडी बढाइएको थियो । सभाको बन्दसत्रले सर्वसम्मत नयाँ नेतृत्व चयन हुन नसकेपछि वन समूहको विधान अनुसार राप्ती गाउँपालिका वार्ड नम्बर ३ की वडा सदस्य चम्फा भुसालको संयोजकत्वमा निर्वाचन उप-समिती गठन गरेको थियो । जसको सदस्यहरुमा सव-डिभिजन वन कार्यालय राप्तीका प्रमुख विनोदकुमार शाह, नर्ती समन्वय समितीका प्रतिनिधि ओमप्रकाश बिक, शान्ति सावउसका प्रतिनिधि जिवराज वली र उपभोक्ता लक्ष्मण आचार्य रहेका थिए ।