RppdA

Unku

sbsg

Rkkc

Rgup

Rspls

nkpm

NKS

SAbk

Lnp5

Lnp3

Ggp2

Ggp1

Lnp1

Lnp9

Ggp4

Ggp6

Ggp3

Lnp-8

Ggp5

Lnp2

डडेल्धुरा । नेपाली कांग्रेसका युवा नेता नैनसिंह महरले कम्युनिष्ट सरकारबाट लोकतन्त्र बचाउनुपर्ने अवस्था आएको बताउनु भएको छ । सरकारबाटै लोकतान्त्रिक मूल्य मान्यतामाथि गम्भीर चुनौती देखिएको जिकिर गर्दै नेता महरले सरकार संबिधानभन्दा माथि जान खोजेको आरोप लगाउनु भयो । गृह जिल्ला डडेल्धुरा पुग्नु भएका नेता महरले प्रेस युनियनले आयोजना गरेको पत्रकार सम्मेलनमा ७० वर्षको लामो संर्घषपछि प्राप्त उपलब्धी लाई नेकपाले तीन वर्षमै संकटमा पारेको आरोप समेत लगाउनु भएको छ ।

सरकारप्रति निकै आक्रामक रुपमा प्रस्तुत हुनुभएका महरले कांग्रेस बरिष्ठ नेता रामचन्द्र पौडेलमाथिको दुब्र्यबहार लोकतन्त्रकै अपमान भएको र त्यसैको बिरोधमा कांग्रेस देशब्यापी बिरोधमा उत्रिएको बताउनु भयो । लोकतन्त्रका लागि जीवनभर लडेको एउटा योद्धामाथि यसप्रकारको दुब्र्यबहार हुन्छ भने यो सरकारलाई कसरी लोकतान्त्रिक भन्ने ? नेता महरले प्रश्न गर्दै भन्नु भयो । ‘सरकारले कहिले प्राध्यापक थुन्यो, कहिले चिकित्सकलाई अस्पतालबाटै उठायो, सांसद अपहरण गर्‍यो, हुँदाहुँदै एउटा बरिष्ठ राजनीतिककर्मीलाई पक्राउ गरियो । यो के हो ? नेकपाभित्रको लेनदेनको राजनीतिले मुलुकलाई बन्धक बनाएको नेता मरहले बताउनु भयो ।‘मुलुक महामारीको गम्भीर संकट झेलिरहेको छ तर सरकार र सत्तारुढ दल के गरिरहेको छ’ महरले भन्नु भयो ।‘कसैलाई कुर्सी बचाउनुछ,कसैलाई कुर्सी चाहिएको छ,जनता मरिरहेका छन् ।

कांग्रेसको भूमिकाका सन्दर्भमा सञ्चारकर्मीले राखेको जिज्ञासामा नेता महरले प्रमुख प्रतिपक्षीका हैसियतका कांग्रेसले निरन्तर सरकारलाई खवरदाी गरिरहेको बताउनु भयो ।‘समय र परिस्थितिले कतिपय कुुरा गर्न सकिएको छैन, तर यसको मतलव कांग्रेस चुप छ भन्ने होइन । सत्ता स्वार्थका लागि एक भएका दुई कम्युनिष्ट पार्टीका कारण मुलुकको दुगर्ती भएको जिकिर गर्दै नेता महरले कम्युनिष्ट हरुबाट समृद्धिको आश गर्नु भ्रममा बाँच्नु मात्रै भएको बताउनु भयो ।‘कम्युनिष्टहरु भ्रम छर्छन् र राज गर्छन्, यो नै उनीहरुको असली चरित्र हो’ महरले भन्नु भयो–‘झुट्टा सपनामा विश्वास गर्नु मतदाताको ठूलो भूल थियो,जुन वर्तामान सरकारले नै पुष्टि गरेको छ ।’