Lnp1

Ggp1

Lnp3

Lnp9

Ggp5

Ggp6

Lnp-8

Ggp3

Lnp2

Ggp4

Lnp5

Ggp2

दाङ । दाङ जिल्लाको तुलसीपुर र राजपुरगरि दुई स्थानबाट भरुवा बन्दुक सहित तीन जना पक्राउ परेका छन् ।

तुलसीपुर उपमहानगरपालिका वडा नम्बर ४ ठूला खालीस्थित गादीबरा सामुदायिक वनबाट तुलसीपुर–४ सुनवलपुरका ३६ वर्षीय टंक थापा र २९ वर्षीय युवराज गिरी भरुवा बन्दुक सहित पक्राउ परेका हुन् ।

त्यस्तै उनीहरुको साथबाट एक भरुवा बन्दुक र २१ राउण्ड गोली फेला परेको जिल्ला प्रहरी प्रवक्ता डिएसपी राम प्रसाद तिमल्सिनाले बताए । शनिबार राति वनमा शंकास्पदरुपमा केही व्यक्तिहरु हिडिरहेको भन्ने सूचना प्राप्त भएपछि ईलाका प्रहरी कार्यालय तुलसीपुर र अस्थायी प्रहरी पोष्ट गोठीखोलाबाट खटिएको प्रहरी टोलीले उनीहरुलाई पक्राउ गरेको उनले जानकारी दिए ।

यसैगरी राजपुर गाउँपालिका वडा नम्बर ४ फोहराका इच्छा कुमार रैदासलाई आइतबार दिउँसो एक थान भरुवा बन्दुकसहित पक्राउ गरेको डिएसपी तिमल्सिनाले बताए । स्थानीय वनशक्ति सामुदायीक वनमा शिकार खेल्न गइरहेको अवस्थामा रैदासलाई इलाका प्रहरी कार्यालय गढवा र प्रहरी चौकी चङ्गवाबाट खटिएको प्रहरीले फेला पारेको उनले बताए । तीनै जनालाई थुनामा राखेर थप अनुसन्धान गरिरहेको तिमिल्सिनाले जानकारी दिए ।