Ggp1

Lnp5

Ggp6

Ggp3

Lnp-8

Lnp2

Ggp2

Lnp3

Lnp1

Ggp4

Ggp5

Lnp9

कास्की । पोखराको लेकसाइडमा चक्कु देखाएर एक महिलाबाट सुन र पैसा लुटिएको छ । बाटोमा हिँडिरहेको अवस्थामा स्कुटर र मोटरसाइकलमा आएका व्यक्तिहरूले २ तोलाको सिक्री र १२ हजार चोरेका हुन् । उनको साथबाट ज्याकेट पनि चोरी भएको प्रहरीले जनाएको छ ।

प्रहरीले तत्कालै घटनामा संलग्नहरूलाई पक्राउ गरेको हो । पोखरा १८ का ३७ वर्षीय देवन गुरुङ, १९ वर्षका रुचाल भन्ने हितमान सार्की, तनहुँको ब्यास घर भइ पोखरा ५ बस्ने १८ वर्षका अनिश भट्ट पक्राउ परेका छन् । उनीहरूको साथबाट ग ८ प ६९२४ नम्बरको स्कुटर र ग ११ प ९८२७ नम्बरको मोटरसाइकल बरामद भएको छ ।

यस्तै, सिक्री बेचेर बाँकी रहेको रकम १ लाख ३ हजार ५ सय पनि बरामद गरेको छ । उक्त सिक्री पोखरा ४ गणेशटोल बस्ने बिकास सुन चाँदी पसलका सञ्चालक नारायण प्रसाद बिक र एसपि मान्मा ज्वेलर्सका सञ्चालक प्रशान्त मान्मालाई पनि नियन्त्रणमा लिएको कास्की प्रहरी प्रवक्ता वसन्त कुमार शर्माले बताए ।

त्यस्तै उनीहरू सबैलाई चोरी तथा डाँका सम्बन्धी मुद्दामा ५ दिनको म्याद थप गरी अनुसन्धान थालिएको शर्माले जानकारी दिए ।