Rkkc

NKS

Jmbp

SAbk

Jmbg

Smbk

SDBS

Rgup

Vim

RppdA

jmb

Unku

nkpm

sbsg

Rspls

Ggp1

Lnp3

Lnp2

Lkpuss

Lnp1

Ggp5

Jmb

Ggp2

Lnp-8

Ggp6

Ggp4

Ggp3

Lnp9

Lnp5

दाङ । बुद्ध ज्योति माध्यमिक विद्यालय गढवाको ३० औं  वार्षिक साधारण सभा सोमबार आज भव्य रुपमा सम्पन्न भएको छ ।

विद्यालय व्यवस्थापन समितिका अध्यक्ष दिनमणी आचार्यको  अध्यक्षता तथा प्रतिनिधि सभा सदस्य मेटमणि चौधरीको प्रमुख आतिथ्यतामा सम्पन्न भएको कार्यक्रमको उद्घाटन गर्दै प्रमुख अतिथि सांसद चौधरीले विद्यालयको शैक्षिक विकास र विद्यार्थीहरूको सर्वाङ्गीण प्रगतिका लागि शिक्षक,अभिभावक र विद्यालय व्यवस्थापन समितिले आपसी सहकार्य गर्नुपर्नेमा जोड दिए ।

उनले विद्यालयको शैक्षिक स्तर उकास्न शिक्षकहरूलाई आधुनिक पठनपाठन विधिहरू अवलम्बन गर्न सुझाव दिए । साथै, विद्यार्थीहरूको शैक्षिक स्तरलाई अझ प्रभावकारी बनाउन अभिभावकहरूको सक्रिय सहभागिता र जिम्मेवारी आवश्यक रहेको बताए ।कार्यक्रमको विशेष आकर्षण विद्यालयका संस्थापक प्राचार्य नवराज देवकोटालाई सम्मान गरिएको थियो । उनले विद्यालयमा २५ वर्ष लामो सेवा प्रदान गरेको भन्दै विद्यालय व्यवस्थापन समितिले उनलाई सम्मान प्रदान गरेको हो । सम्मान ग्रहण गर्दै संस्थापक प्राचार्य देवकोटाले आफ्नो कार्यकालको अनुभव र विद्यालयको प्रगतिमा समुदायले दिएको योगदानका बारेमा चर्चा गरे । उनले भने, “यो विद्यालयको वर्तमान सफलतामा सबैको योगदान छ, र यहाँका विद्यार्थीहरूको उज्ज्वल भविष्यका लागि सामूहिक प्रयास जारी रहनुपर्छ।”

कार्यक्रममा गोरखा ग्रुपका सेयर सदस्य तथा गोरखा स्कुल घोराहीका भूपू सहायक प्रिन्सिपल मानबहादुर बुढाको पनि विशेष उपस्थिति थियो । उनले शिक्षा क्षेत्रका आफ्नो अनुभव र सुझावहरू प्रस्तुत गर्दै विद्यालयको शैक्षिक सुधारका लागि थप प्रेरणादायक सन्देश दिए । उनले विद्यालयका विद्यार्थीहरूको पठनपाठन पद्धतिमा प्राविधिक र समकालीन शैली समावेश गर्नुपर्नेमा जोड दिए । त्यस्तै कार्यक्रममा गढावा बहुमुखि क्याम्पसका प्रमुख विकास रजौरेले देउखुरीको दक्षिण बेल्टका निजि बिद्यालयहरुले शिक्षामा पुरयाएको योगदान बारे जोड दिएका थिए । यस्तै प्याब्सन दाङका वरिष्ठ उपाध्यक्ष विजयमान जिएमले शिक्षा प्राप्तिमा आमाहरुको भूमिका बारे उदाहरण सहित प्रस्त्याएका थिए ।

विद्यालयका प्राचार्य थानेश्वर न्यौपानेले विद्यालयले हालसम्म हासिल गरेको उपलब्धिहरूका बारेमा जानकारी गराउँदै आगामी योजनाहरू प्रस्तुत गरे । उनले विद्यालयको भौतिक तथा शैक्षिक सुधारका लागि सरोकारवालाहरूको भूमिका अपरिहार्य रहेको उल्लेख गर्दै, सामुदायिक सहभागिताका माध्यमबाट अझ उत्कृष्ट सेवा दिन विद्यालय प्रतिबद्ध रहेको बताए ।

कार्यक्रममा विद्यालयका प्रधानाध्यापकले वार्षिक प्रतिवेदन प्रस्तुत गरेका थिए ।, जसमा शैक्षिक सुधार,अतिरिक्त क्रियाकलापहरू,भौतिक पूर्वाधार विकास र विद्यालयको समग्र प्रगतिका मुख्य बुँदाहरू समावेश थिए । अभिभावकहरूले विद्यालयको प्रगतिमा खुशी व्यक्त गर्दै थप सुधारका लागि विभिन्न सुझाव दिएका थिए।

कार्यक्रममा स्थानीय सरोकारवालाहरू,शिक्षक, अभिभावक,विद्यार्थी,विद्यालय व्यवस्थापन समिति सदस्य र अन्य अतिथिहरूको उल्लेखनीय उपस्थिति थियो । कार्यक्रममा विविध सांस्कृतिक प्रस्तुति र सम्मान कार्यक्रम पनि समावेश गरिएको थियो।

त्यस्तै विद्यालयले आफ्नो स्थापना कालदेखि नै समुदायलाई गुणस्तरीय शिक्षा प्रदान गर्दै आएको र भविष्यमा अझ उत्कृष्ट सेवा प्रदान गर्ने लक्ष्य राखेको जानकारी दिइएको छ ।