Lnp5

Ggp4

Lnp2

Ggp2

Ggp5

Ggp3

Lnp9

Lnp3

Lnp1

Ggp6

Ggp1

Lnp-8

पर्सा । पर्सामा हजुरबुवाको हत्या गरेको आरोपमा नाति-नातिनी पक्राउ परेका छन्।

पक्राउ पर्नेमा पोखरिया नगरपालिका वडा नम्बर -८ जगतपुर बस्ने २० वर्षीया खुश्बु खातुन र १८वर्षीय काबुल देवान रहेका छन्।

त्यस्तै उनीहरूलाई मंगलबार पक्राउ गरिएको पर्सा प्रहरी प्रवक्ता प्रहरी नायब उपरीक्षक किशोर लम्सालले बताएका छन् ।लम्सालका अनुसार उनीहरूले ८० वर्षीय हजुरबुवा रामजान देवानको सोमबार राति कुटपिट गरी हत्या गरेका थिए ।

घरायसी विवादको क्रममा कुटपिट गर्दा गम्भीर घाइते भएका रामजानलाई वीरगञ्ज हेल्थ केयर हुँदै न्युरो अस्पताल वीरगञ्ज पुर्‍याइएको थियो। तर उनको उपचारको क्रममा मंगलबार बिहान मृत्यु भएको हो । ‘घरमा वाइफाईको विषयमा सामान्य विवाद हुँदा हजुरबुवालाई कुटपिट गरेको अनुसन्धानमा खुल्न आएको छ,’ उनले भने, ‘सामान्य कुटपिट हुँदा घाइते भएका हजुरबुवाको अस्पतालमा मृत्यु भएपछि संलग्नहरूलाई पक्राउ गरिएको उनको भनाई छ ।

यस्तै लम्सालका अनुसार हजुरबुवाले वाइफाई बन्द गर्न नाति-नातिनीलाई भनेका थिए तर नाति-नातिनी किन बन्द गर्ने भन्दै हजुरबुवामाथि खनिएका थिए । वडा प्रहरी कार्यालय श्रीपुरबाट खटिएको प्रहरीले हत्यामा संलग्न उनीहरूलाई पक्राउ गरेको थियो ।