Lnp1

Ggp5

Lnp-8

Ggp3

Ggp1

Ggp4

Lnp5

Ggp2

Lnp2

Lnp9

Lnp3

Ggp6

दाङ । तुलसीपुरमा स्कुटर दुर्घटना हुँदा एक जनाको मृत्यु भएको छ । तुलसीपुर उपमहानगरपालिका वडा नम्बर ६ का २८ वर्षका सुदिप भनेर चिनिने बाबुराम चौधरीको मृत्यु भएको इलाका प्रहरी कार्यालय तुलसीपुरले जनाएको छ ।

स्कुटर अनियन्त्रित भई दुर्घटना हुँदा पछाडि सवार गम्भिर घाइते भएका चौधरीलाई राप्ती प्रादेशिक अस्पताल तुलसीपुरमा सामान्य उपचारपछि हिजो राती साढे १२ बजेतिर नर्सिङहोम नेपालगंज बाँके रिफर गरिएको थियो । बाँकेबाट बाबुरामलाई आफन्तीले आज विहान ८ बजेतिर घरतिर ल्याएको इलाका प्रहरी कार्यालय तुलसीपुरका प्रहरी प्रवक्ता विनोदराज खत्रीले जानकारी दिए ।

त्यस्तै बबुरामलाई आज बिहान आफन्तीले पुनः राप्ती प्रादेशिक अस्पताल तुलसीपुरमा ल्याएका थिए । डाक्टरले चेक जाँच गर्दा सवा १० बजेतिर चौधरीलाई मृत घोषणा गरेको प्रहरी प्रवक्ता खत्रीले जानकारी दिए । मृतकको शव अस्पतालमा राखिएको छ । स्कुटर चालक तुलसीपुर-६ का २८ वर्षका सुमन चौधरी गम्भिर घाइते भएको प्रहरी प्रवक्ता खत्रीले जानकारी दिए । घाइते सुमनको राप्ती प्रादेशिक अस्पताल तुलसीपुरमा सामान्य उपचारपछि थप उपचारको लागि हिजो साढे ९ बजेतिर नर्सिङहोम नेपालगंज बाँके रिफर गरिएको खत्रीले बताए ।

बिजौरीबाट भेलाहितर्फ जादै गरेको रा ८ प ३१७९ नंम्बरको स्कुटर हिजो साँझ साढे ८ बजेतिर तुलसीपुर- १६ राउतगाँउमा दुर्घटना भएको प्रहरी प्रवक्ता खत्रीले जानकारी दिए । स्कुटर प्रहरीले नियण्त्रणमा लिएको छ । घटना बारे थप अनुसन्धान भइरहेको प्रहरीले जनाएको छ