Ggp4

Lnp-8

Ggp2

Lnp2

Ggp6

Lnp1

Lnp5

Lnp9

Ggp5

Ggp1

Lnp3

Ggp3

काठमाडौं । अमेरिकामा आइतबारदेखि टिकटक बन्द हुने भएको छ ।

यसअघि नै अमेरिकी संसदले १९ जनवरीदेखि टिकटक बन्द गर्ने निर्णय गरेको थियो । सो निर्णयविरुद्ध अदालतमा परेको मुद्दामा संसदकै निर्णय सदर भएपछि बन्द हुने पक्का भएको हो।

अमेरिकामा करिब १७ करोड टिकटक प्रयोगकर्ता छन् । अमेरिकाको राष्ट्रपतिमा निर्वाचित डोनाल्ड ट्रम्पले भने सो निर्णय कार्यान्वायन तत्काल रोक्न माग गरेका थिए । आफुले राष्ट्रपतिको कार्यभार सम्हालेपछि सो विषय हल गर्ने भन्दै उनले कार्यान्वायन स्थगनको माग गरेका छन् । ट्रम्पले १० जनवरी अर्थात् आगामी सोमबारदेखि अमेरिकाको राष्ट्रपतिको रुपमा कार्यभार सम्हाल्दैछन् ।

त्यस्तै टिकटकले व्यक्तिगत गोपनियताको हनन गरेको तथा अमेरिकाको राष्ट्रिय सुरक्षामा जोखिम बढेको भन्दै बन्द गर्ने निर्णय भएको हो । बन्द नगर्ने हो भने अमेरिकी नागरिकलाई कम्पनी बेच्नुपर्ने सर्त राखिएको थियो ।

टिकटकको प्यारेन्ट कम्पनी बाइटडान्सले त्यसलाई अस्वीकार गरेपछि टिकटक अमेरिकामा बन्द हुन लागेको हो । वासिङ्टन पोष्टले भने सो निर्णय ६० वा ९० दिनसम्म स्थगनका लागि ट्रम्पले कार्यकारी आदेश जारी गर्न सक्ने जनाएको छ ।