Rgup

RppdA

nkpm

Rspls

Unku

Rkkc

sbsg

NKS

SAbk

Lnp2

Lnp9

Ggp5

Lnp-8

Ggp2

Ggp3

Ggp6

Ggp4

Lnp1

Lnp3

Ggp1

Lnp5

दाङ । गर्मियामलाई मध्यनजर गरेर देउखुरीको लमही नगरपालिका वडा नम्बर ८ शिवशक्ति बाख्रा विकास सामुदायिक वन क्षेत्रभित्रमा बसोबास गर्ने वन्यजन्तु र चराचुरुङ्गीको लागि सहज हुने गरि एक किर्तिम पोखरी निर्माण हुने भएको छ । वन जंगलमा वन्यजन्तुले पानी पिउन नपाएर जङ्गल बाहिर निस्किनु पर्छ,सोही बेला ती जंगली जनावरहरु सिकारी र घर पालुवा कुकुरको आक्रमणमा पर्ने भएको हुँदा त्यही समस्यालाई मध्यनजर गरेर हामीले कार्यक्रम अघि बढाउछौ” डिभिजन वन कार्यालय देउखुरीका प्रमुख बेसिन्द्रराज सुबेदीले भन्नु भयो । त्यस्तै पोखरी निर्माणले वनमा बस्ने वन्यजन्तुहरुलाई पानी पिउनका लागि निकै उपयुक्त हुने शिवशक्ति बाख्रा विकास सामुदायिक वनका अध्यक्ष जनक बुढा मगरले भन्नू भयो ।

तस्तै चैतमास शुरु भएदेखि वन क्षेत्रका खोला नाला सुख्खा छन् । वनमा कुनै पानीको स्रोत छैन, सुख्खा याममा वन्यन्तुलाई एकदमै समस्या हुने गरेपछि वनभित्र पोखरी निर्माण गरेर पानीको व्यवस्थापन गर्ने वन कार्यालयले योजना बनाएको हो । वनमा पोखरी निर्माण गर्नको लागी चार लाख बजेट बिनियोजन गरिएको डिभिजन वन कार्यालय दाङ देउखुरीका सुचना अधिकारी प्रेमीलाल प्रसाद साहले जानकारी दिनु भयो । उहाँका अनुसार लगत्तै स्टिमेट गरेर पोखरी निर्माणको कामलाई अगाडी बढाइने छ । यस्तै वन्यजन्तु अनुसन्धानकर्ता चिरञ्जीवी खनालका अनुशार उक्त सामुदायिक वनमा हुडार, चितुवा,राते,दुम्सी,भालु,चित्तल,बदेल लगायतका वन्यजन्तुहरुको बसोबास छ । बुधवार डिभिजन वन कार्यालय दाङ देउखुरीका प्रमुख बेसिन्द्रराज सुबेदी, सुचना अधिकारी प्रेमीलाल प्रसाद साह, सहायक वन अधिकृत राम गोपाल चौधरी, शिवशक्ति बाख्रा विकास सामुदायिक वनका अध्यक्ष जनक बुढा मगर र पत्रकारको टोलीले स्थलगत अनुगमन गरेको थियो ।