Gsb

Ssb

Tsb

Hl1

Usb

Nps

ptl

Rgu

दाङ।देउखुरीको राजपुर गाउँपालिकाको केही विकट बस्तीहरुमा आर्थिक वर्ष २०७६/०७७ अन्तरगतको बजेट द्वारा विद्युत लाइनका पोल तथा तारहरु विस्तार धमाधम भइरहेका छन्।लामो समयको लकडाउनको कारणले निर्धारिक समयमा योजनाको काम सम्पन्न हुन नसकेको र सो योजनालाई केही समय थप गरेर हाल ७५ प्रतिशत कार्य सम्पन्न भएको बुझिएको छ।उक्त योजना आउदो भदौ महिनाको १२/१५ गतेसम्म स्थानीय बासी र वर्षातले साथ दिए सो काम पूरा गरिसक्ने लक्ष्य रहेकोे व्यवसायीक कर्मी हुर्मुत गिरीले जानकारी दिनु भयो।

नेपाल विद्युत प्राधिकरण डिभिजन कार्यलय लमही दाङले आर्थिक वर्ष २०७६/०७७ द्वारा विद्युत लाइन विस्तार गर्ने लक्ष्यका साथ पास गरेको १७ लाख बजेटलाई रोल्पा निर्माण सेवा प्रा.लि.ले निर्माण कार्यको जिम्मा लिएको छ।प्रालिले राजपुर गाउँपालिकाको वडा नम्बर ५ को विकट बस्ती महतिनिया खोला गाउँमा ८ मिटरको ७५ वटा र नौ मिटरको ५ वटा स्टिलको पोल गाडेर तार तान्ने छ भने वडा नम्बर ७ को अैरना,ताली,सुनपत्री गाउँमा एक सय,५० वटा पोल र तार तान्ने भएको छ।त्यस्तै वडा नम्बर ७ को गोठुवा गाउँमा पहिले गाडेको एक सय २० वटा पोलमा तार तान्ने व्यावसायिक कर्मी गिरीले बताउनु भएको हो।यस अघि वडा नम्बर ५ को महितिया गाउँमा २१ लाख बराबरको विद्युतको काम भैसकेको वडा अध्यक्ष नरेन्द्र सिंह भण्डारीले बताउनु भयो।