RppdA

nkpm

Rspls

Unku

SAbk

NKS

Rgup

Rkkc

sbsg

Ggp3

Lnp2

Lnp9

Ggp4

Lnp-8

Lnp5

Ggp6

Lnp3

Ggp5

Lnp1

Ggp1

Ggp2

दाङ । देउखुरीको राजपुर गाउँपालिका वडा नम्बर ४ मोतिपुरका धनपती यादव उमेरले जम्मा ४४ वर्ष पुगेका छन् । तर उनी साढे ३ वर्षदेखि यता कलिलो उमेरमै स्तन क्यान्सरको पिडा झेलिरहेका छन् ।

यादवको स्तनमा साढे तीन वर्ष अघि सानो घाउ भएको थियो । सो घाउ बिस्तारै ठुलो भएपछि,उनी अस्पतालमा जाँच गराउन गएका थिए । अस्पतालमा जाँच गराएपछि उनलाई स्तनमा क्यान्सर भएको डाक्टरले बतायो ।

त्यसपछि यादवलाई उपचार गराउन उनको श्रीमान रामचन्द्र यादवले बिपि कोइराला मेमोरियल क्यान्सर अस्पताल भरतपुर चितवनमा लगेर गए । अस्पताल मा लगेपछि यादवको पहिलो अप्रेसन भयो । उनी केही दिनपछि औषधि बोकेर घर फर्किए ।

डाक्टरको सुझाव अनुसार यादवले औषधि खादै गए । केही दिन सन्चो पनि भयो । तर फेरि उनको अप्रेसन गरेर सन्चो भएको घाउ उल्झियो । यादवका श्रीमानका अनुसार पहिलो चोटि अप्रेसन गराउदा धेरै खर्च भएको हुँदा सम्बन्धित निकाय वडा पालिका र गाउँपालिकालाई सहयोग गर्न अपिल गरे । तर वडाको सिफारिसमा राजपुर गाउँपालिकाले जम्मा १ लाख बराबरको औषधि उपचार खर्च छुट गरि दिन भनि अस्पताललाई एक सिफारिस उपलब्ध गरायो ।

घरमा स-साना बालबच्चा छन् । उनिलाई पढाउनु पर्छ,म घरमा श्रीमतीलाई छोडेर कमाउन जान सक्दैन,साह्रै समस्या छ । कसरी श्रीमतीको उपचार गर्ने होला अहिलेसम्म उपचार गर्दा धेरै खर्च भएको छ । प्रत्येक महिना अस्पताल जाने समय ऋण काढेर जानू पर्छ रामचन्द्रले दुखेसो पोखे ।फेरिपनि डाक्टरले अप्रेसन गर्ने भनेको छ । अब दोस्रो अप्रेसनको लागि कहाँबाट रकम जुटाउने चिन्ता लागेको छ रामचन्द्रले भने । अप्रेसनको लागि खर्च जुटाउन नसकेपछि, हामीले मिडियालाई गुहारेका हौं, कृपया सबै नेपाली कहाँ यो सन्देश पुराइ दिनुस् रामचन्द्रले आग्रह गरे ।

यसैगरी रामचन्द्रका अनुसार धनपतीलाई प्रत्येक महिनाको २१ दिन भित्र अस्पताल लैजानु पर्छ र एकपटक जादा न्युनतम ५०/६० हजार खर्च हुने गरेको रामचन्द्रले बताए । उता वडा पालिका र गाउँपालिकाले एकपटक सिफारिस दिएपछि,झारा तारे झै अर्को पटक फर्केर नहेरेको रामचन्द्र यादवले गुनासो गरे ।

त्यस्तै यता राजपुर गाउँपालिका वडा नम्बर ४ का वडा अध्यक्ष रामेश्वर यादवले आफ्नो वडाबाट आफुले धनपतीको उपचारको लागि सहयोग खर्च उपलब्ध गराउन भनि गाउँपालिकालाई सिफारिस गरेको बताए ।यस्तै धनपती यादवका छोरा शन्तवचन यादवले आफ्नो आमालाई उपचार गर्नमा सहयोग गरि दिन सम्पूर्ण देश बिदेशमा रहनु भएका नेपाली दाजुभाइ, दिदीबहिनीलाई अनुरोध गरेका छन् ।

अहिले उपचार गर्नमा सहयोग पुगोस् भनि साईन रेसुङ्गा डेभलपमेन्ट बैंकमा खाता खोलिएको छ । यदि कुनैपनि ब्यक्तिले सहयोग गर्न चाहेमा बैंक खाता नम्बर ०६८००७००५१८३८६०००००१ मा जम्म गर्न सकिने शन्तवचनले बताए । त्यस्तै शन्तवचनलाई सिधै ९८०९८४०५७० को मोबाइल नम्बरमा सम्पर्क गर्नको सकिने छ ।