Lnp2

Ggp3

Lnp9

Lnp1

Ggp2

Lnp5

Ggp1

Lnp3

Lnp-8

Ggp6

Ggp4

Ggp5

दाङ । जिल्ला ट्राफिक प्रहरी कार्यालय दाङले सडक दुर्घटना बढ्दै जान थालेपछि ट्राफिक प्रहरीले ट्राफिक सचेतना कार्यक्रम सञ्चालन गरेको छ।

सडक दुर्घटना न्यूनीकरणका लागि भि .एन स्कुल एन्ड कलेज घोराही दाङ र दाङ ट्राफिकले सचेतनामूलक र्‍याली आयोजना गरेर पर्चा पम्पलेट वितरण गर्ने, चालकलाई सिटबेल्ट बाँध्न सिकाउने लगायत कार्य ट्राफिक प्रहरीले अगाडि बढाएको छ।

दाङमा दुर्घटनालाई न्यूनीकरण गर्न जिल्ला ट्राफिक प्रहरी कार्यालय दाङका ट्राफिक प्रमुख प्रहरी निरीक्षक झबिन्द्र परियारले भने,मादक पदार्थ सेवन गरेर सवारीसाधन नचलाउन,सडक लेन अनुशासन पालना गराउन,हेल्मेटको प्रयोग गरी मोटरसाइकल तोकिएको सीमित गतिमा चलाउनका लागि चालकलाई सचेतना दिने कार्यमा ट्राफिक प्रहरी र विद्यार्थीसंग मिलेर कार्यक्रममा जुटेका छौँ।’

तीव्रगतिले जीउधनको क्षति हुने भएकले यसबारे चालकलाई सचेत पार्नका लागि प्रहरीलाई भीडभाड हुने क्षेत्र र सम्भावित दुर्घटना हुने क्षेत्रमा परिचालन समेत गरिएको छ। ‘तनाव र अस्वस्थता भएका बेला पनि दुर्घटना हुने निकै सम्भावना रहन्छ,’ ट्राफिक प्रहरी निरीक्षक परियारले भने ‘यस्तो अवस्थामा सवारी साधन नचलाउनु नै बेस हुन्छ,यसका लागि पनि सचेत पार्ने काम भइरहेको छ।’

सवारीसाधन चलाउँदा ओभरटेक नगर्ने र दूरी कायम गरी सवारीसाधन चलाउनका लागि समेत ट्राफिक प्रहरी चालकलाई सम्झाउने बुझाउने कार्यमा संलग्न भएका छन्। सवारीसाधनको क्षमताभन्दा बढी यात्रु नचढाउने,सवारीसाधन चलाउँदा सिट बेल्ट अनिर्वायरूपमा चालकले बाँध्ने, सवारीसाधनमा यात्रुलाई झुन्ड्याएर नचढाउनेलगायत कार्य रोक्नका लागि प्रहरीले कार्य अगाडि बढाएको छ।

सवारीसाधन चलाउनुभन्दा अगाडि सवारीको अवस्थाबारे अनिवार्यरूपमा जाँच गर्ने र मोटरसाइकल चलाउँदा आवश्यक कागजातका साथै हेल्मेट लगाएर मात्र चलाउने कार्य गर्नुपर्ने कुरा चालकलाई प्रहरीले सडकमै बताउने गरेको छ। ट्राफिक प्रहरीले सवारी दुर्घटना न्यूनीकरणका लागि सचेतनामूलक कार्यलाई निरन्तररूपमा जारी राख्ने ट्राफिक प्रमुख प्रहरी निरीक्षक परियारले बताए ।

ट्राफिक नियमको उल्लङ्घन गर्दै अटेरी गरेर सवारीसाधन चलाउनेलाई नियमानुसार कारबाही गरी जरिवाना तिराउने कार्यलाई समेत तदारुकताका साथ अगाडि बढाइएको छ। सवारी चालकले मादक पदार्थ सेवन गरे/नगरेकोबारे र द्रुतगतिमा सवारी हाँक्ने, क्षमताभन्दा बढी यात्रु बोक्ने सवारीमाथि कडाइ गर्ने कार्य गरिरहेको छ।

जिल्ला ट्राफिक प्रहरी कार्यालय दाङ र भि.एन स्कुल एन्ड कलेज घोराही दाङको सयुत्त आयोजनामा गरिएको ट्राफिक सचेतना कार्यक्रममा स्कुलका टिचरहरु पत्रकारहरु लगायतको सहभागिता रहेको थियो ।