Ggp3

Ggp1

Lnp5

Lnp1

Lnp3

Ggp4

Ggp2

Lnp2

Ggp5

Lnp-8

Ggp6

Lnp9

दाङ । घोराही-लमही सडक खण्ड अन्तरगत पर्ने भैंसी बगाउने खोलामा ट्रक पल्टिँदा सह-चालक खाँको च्यापिएर मृत्यु भएको छ ।

मृत्यु हुनेमा रुपन्देही रोहिनी गाउँपालिका वडा नम्बर ६ का अन्दाजी २५/२६ वर्षीय सखर खाँ रहेको जिल्ला प्रहरी कार्यालय दाङले जनाएको छ । उनको घटना स्थलमै मृत्यु भएको जिल्ला ट्राफिक प्रहरी कार्यालय दाङका प्रमुख झविन्द्र परियारले जानकारी दिनु भयो ।बुधबार दिउँसो एक बजेतिर घोराहीबाट भैंसीको छाला लोड गरेर लमहीतर्फ जाँदै गरेको लु २ ख ५९३ नम्बरको ट्रक घोराही उपमहानगरपालिका वडा नम्बर ३ भैंसी बगाउने खोलामा पल्टिँएको हो ।छाला लोड गरेको ट्रक पल्टिँदा सह-चालक खाँ च्यापिएका थिए भने सडक अवरुद्ध भएको थियो । जेसिवीको सहायताले सह-चालकको शव निकालेर अस्पताल पठाएको जिल्ला प्रहरी कार्यालय दाङका डिएसपी राजनकुमार गौतमले जानकारी दिनु भयो ।त्यस्तै सडक अहिले एकतर्फी रुपमा खुलेको डिएसपी गौतमले जानकारी दिनु भयो । ब्रेक फेल भएर ट्रक पल्टिँएको हुन सक्ने प्रहरीले बताएको छ । तर ट्रकका चालक फरार रहेकाले अन्य कुरा खुल्न नसकेको प्रहरीले अनाएको छ । चालकको अहिले खोजी कार्य जारी रहेको दाङ प्रहरीले जनाएको छ ।