Ggp3

Ggp2

Lnp3

Ggp4

Lnp-8

Ggp5

Ggp6

Lnp2

Lnp1

Lnp9

Ggp1

Lnp5

काठमाडौं । नेपाल राष्ट्र बैंकले राजस्व संकलन हुने सबै बैंक तथा शाखाहरु भदौ २३ गतेदेखि २५ गतेसम्म खोल्नैपर्ने निर्देशन दिएको छ । निषेधाज्ञाका कारण सीमित शाखामा मात्रै सञ्चालन गरेका बैंकहरुले अब राजस्व संकलन हुने सबै शाखा खोल्नु पर्ने भएको हो ।

राष्ट्र बैंकले साेमबार सम्पूर्ण बैंकहरुलाई पत्राचार गर्दै राजस्व संकलन गर्ने शाखा काउन्टर एवं बैंकका क्लियरिङसम्बन्धी कार्य गर्ने काउन्टरहरु र नेपाल क्लियरिङ हाउस लिमिटेडलाई खुला गर्ने व्यवस्था गर्न निर्देशन दिएको हो । हाल कोरोना महामारी रोकथाम तथा नियन्त्रणका लागि स्थानीय निकायले निषेधाज्ञा गरेका कारण कतिपय बैंकका शाखा कार्यालयहरु बन्द रहेका छन् ।

बैंकहरुले ग्राहकको भिडभाड हेरेर केही शाखा तथा काउन्टर खुला गरे पनि पूर्णरुपमा आफ्ना शाखाहरु सञ्चालन गर्न पाएका छैनन् । तर अब राष्ट्र बैंकको निर्देशन पछि राजस्व संकलन गर्ने काउन्टरहरु भने खुला गर्नैपर्ने भएको हो ।