Lnp9

Ggp2

Ggp5

Lnp2

Lnp3

Ggp1

Lnp-8

Ggp6

Lnp1

Lnp5

Ggp4

Ggp3

प्युठान । लुम्बिनी प्रदेश सरकारका नवनियुक्त कृषि तथा भूमि व्यवस्था मन्त्री तुलसीराम शर्माले नमुना कृषि फर्म स्थापनाका लागि आवश्यक प्रकृया अगाडि बढाउने बताएका छन् ।

आइतबार दाङको भालुबाङ स्थित पुरानो बजारमा रहेको मन्त्रालयमा सपथपछि पदभार ग्रहण गर्दै शर्माले बजारको माग अनुसार प्रदेशको सम्भाव्य वाली बस्तुका विभिन्न जातहरुको पहिचानसहित अध्ययन परिक्षण र त्यसको प्रसारको लागि लुम्बिनी प्रदेशका नमुना कृषि फर्म स्थापनाका लागि आवश्यक प्रकृया अगाडि बढाउने निर्णय गरेका हुन् ।

मन्त्रालय मातहतका कार्यालयबाट गरिने विभिन्न कार्यक्रम तथा बैठकहरुमा संभव भएसम्म स्थानीय उत्पादनबाट तयार भएका खाजा र खानाको प्रयोग गर्ने निर्णय गरिएको मन्त्रालयले जनाएको छ । प्यूठान क्षेत्र १ का सांसद शर्माले आईतबार कृषि तथा भूमि व्यवस्था मन्त्रालयको जिम्मेवारी पाएका हुन् ।