दाङ । घाेराहीबाट बुटवल जाँदै गरेको मिनि बस मसाेटको तेस्रो घुम्तीमा ब्रेकफेलभई पल्टिँन लागेको बसबाट हाम फाल्दा एक जनाको मृत्यु भएको छ ।
शनिवार दिउँसो पाैने १ बजेको समयमा घाेराहीबाट बुटवल जाँदै गरेको ना ४ ख ६९५० नम्बरको मिनि बसमा सवार बंगलाचुली गाउँपालिका वडा नम्बर ६ लापे निवासी ३० वर्षिय यमि घर्ती मगर रहेको प्रहरीले जानकारी दिएको छ । गम्भीर घाइते अवस्थामा रहेका घर्तीको लमही अस्पतालमा उपचारको क्रममा मृत्यु भएको हो ।
त्यस्तै बसमा सवार मृतक घर्तीकाे ५ वर्षिय छाेरी आहाना घर्ती मगर,ऐरावती गाउँपालिका वडा नम्बर २ निवासी सरस्वती आचार्य,लमही नगरपालिका वडा नम्बर ५ निवासी ५ वर्षिय सुरज बस्नेत घाइते भएका छन् । घाइतेको लमही अस्पतालमा उपचार भइरहेको छ । उक्त बसमा २५/२६ जना यात्रु सवार रहेका थिए ।