SAbk

nkpm

RppdA

SDBS

Smbk

Jmbg

NKS

Rspls

Jmbp

jmb

Unku

Rgup

Rkkc

sbsg

Vim

Jmb

Ggp2

Lnp9

Ggp1

Ggp3

Ggp4

Lnp2

asbus

Lnp1

Ggp6

Lnp-8

Lnp5

Lkpuss

Ggp5

Lnp3

प्युठान । अर्घाखाँची र प्युठानको संगम स्थल निदेनीगैरामा झोलुङ्गेपुल निर्माण भएको छ । प्युठानको ऐरावती गाँउपालिका वडा नम्बर ६ र अर्घाखाँचीको भूमिकास्थान नगरपालिकाको वडा नम्बर ५ को संगमस्थल छापेखोलामा झोलुङ्गेपुल निर्माण भएको हो ।

पुलको उद्घाटन गदै भुमिकास्थान नगरपालिका नगर प्रमुख झविलाल थापाले पुलले दुई जिल्लाको सम्बन्धलाई जोड्ने बताउनु भयो । कृषकहरुको खेतियोग्य जमिन दुबै तर्फ पनि रहेकाले बर्खाको समयमा ठुलो खोला आउने भएकाले कृषकलाई कृषि उपज ओसार पसारमा पनि सहज हुने उहाँले बताउनुभयो । साथै नगर प्रमुख थापाले दुई जिल्ला जोड्ने पुलको नाम मितेरीपुल राखेको समेत घोषणा गर्नुभएका हो ।

भुमिकास्थान नगरपालिका वडा नम्बर ५ का वडा अध्यक्ष जय गोपाल श्रेष्ठले आवश्यकताको आधारमा पुल निर्माण गरिएको बताउनुभयो । नगरपालिकाको मातहतमा सम्पन्न भएको पुलको प्राविधिक सहयोग ग्रामिण तथा सामुदायिक विकास केन्द्र अर्घाखाँचीले गरेको संस्थाका जिल्ला अध्यक्ष ठाकुर प्रसाद अधिकारीले बताउनुभयो । ४४ लाख १२ हजार ९ सय २२ रुपैयाँमा निर्माण भएको पुल ७७ मिटर लम्बाई रहेको छ । पुलबाट २ सय ५९ घरपरिवार लाभान्वित हुने पत्रकार सागर महतले बताए ।