SAbk

NKS

Jmbp

sbsg

Rgup

nkpm

SDBS

Jmbg

Rkkc

RppdA

Unku

Vim

jmb

Smbk

Rspls

Lnp9

asbus

Lkpuss

Ggp4

Ggp6

Lnp-8

Lnp5

Lnp2

Ggp5

Ggp3

Ggp2

Jmb

Lnp1

Ggp1

Lnp3

काठमाडौं । हेटौंडाबाट अवैध मदिारा सहित ५ जना भारतीय नागरिकहरु पक्राउ परेका छन् ।

भन्सार छली ल्याइएको ८ सय ५५ बोतल विभिन्न ब्राण्डका मदिरा सहित उनीहरुलाई हेटौंडा–१५ रातोमाटे चौकीको टोलीले पक्राउ गरेको जिल्ला प्रहरी कार्यालय मकवानपुरले जनाएको छ । प्रहरीका अनुसार पक्राउ पर्नेमा भारतको पश्चिमी दिल्ली बस्ने वर्ष २७ का विक्की, वर्ष २५ का राहुल, वर्ष २८ का कुनाल, वर्ष ३१ का नहिम र वर्ष ३७ का राजु छन् ।

गत असोज ५ र ६ गते २ वटा कारमा फल्स बटम बनाएर मदिरा ल्याएको अवस्थामा उनीहरुलाई नियन्त्रणमा लिइएको जिल्ला प्रहरी कार्यालय मकवानपुरका प्रमुख एवं प्रहरी उपरीक्षक सीताराम रिजालले जानकारी दिनु भयो । उहाँका अनुसार असोज ५ र ६ प्रहरी चौकी रातोमाटे, मकवानपुरबाट खटिएको प्रहरी टोलीले चेकपोष्ट अगाडि सडकमा सवारी साधनहरु रोकी चेकजाँच गर्ने क्रममा अवैध मदिरा बरामद गरिएको थियो ।

त्यस्तै चितवनबाट हेटौंडा हुँदै वीरगञ्जतर्फ जाँदै गरेको अवस्थामा डीएल २ सीएके १३९० र डीएल २ सीएके ७२७३ नम्बरको भारतीय कारलाई शंका लागि चेकजाँच गर्ने क्रममा भन्सार छलेर ल्याइएका रोयल ग्रीन ह्विस्की ३७५ एमएलका ७१५ बोतल र १८० एमएलका १४० बोतल बरामद भएको प्रहरी उपरीक्षक रिजालले बताउनु भयो ।

यस्तै उक्त बरामद मदिरासहित कार र पक्राउ परेकाहरुलाई आवश्यक अनुसन्धान तथा कारबाहीका लागि राजस्व अनुसन्धान कार्यालय पथलैया, बारा पठाइएको उहाँले बताउनु भयो ।
भारतको हरियाणाबाट उत्पादित उक्त मदिरा नवलपरासीको नाकाबाट नेपाल भित्रिएको प्रहरीको भनाइ छ ।

प्रहरीका अनुसार नवलपरासीबाट चितवन हुँदै हेटौंडा आइपुगेको उक्त कारको डिक्कीमा फल्स बटम बनाइ मदिरा ढुवानी गरिएको थियो । भारतको बिहारमा मदिराजन्य पदार्थ बन्देज भएकाले नेपालको बाटो हुँदै रक्सौल नाकाबाट उक्त मदिरा भारतको बिहार पुर्‍याउने योजना रहेको प्रहरीको प्रारम्भिक अनुसन्धानमा खुल्न आएको छ ।रातोपाती