Jmbg

sbsg

SAbk

nkpm

SDBS

NKS

jmb

Unku

Rgup

Jmbp

RppdA

Smbk

Rspls

Rkkc

Vim

Lnp-8

Lkpuss

Ggp4

Lnp2

Lnp9

Ggp5

Lnp1

Ggp1

Ggp6

Lnp5

Ggp3

Jmb

Lnp3

Ggp2

दाङ । नेपाल सरकारले सञ्चालन गरेको पढ्दै सिक्दै र कमाउँदै कार्यक्रमका बारेमा बुधवार देउखुरीको गढवा गाउँपालिकामा सरोकारवालाहरु बीच अभिमुखिकरण गरिएको छ ।

गढवा गाउँपालिकाका अध्यक्ष यमनारायण शर्मा पोख्रेलको अध्यक्षतामा भएको कार्यक्रममा नेपाल सरकार र स्विच सरकारको साझेदारीमा देशका सातै प्रदेशहरुमा सञ्चालन भएको दिगो तथा सम्मानीत रोजगारीका लागि सिप परियोजना अन्तर्गत औद्योगिक प्रशिक्षर्थी तालिम सम्बन्धि अभिमुखिकरणका बारेमा ब्यापक छलफल गरिएको हो ।

नेपाल सरकार अन्तर्गत सामाजिक बिकास मन्त्रालयद्वारा भ्ल्क्क्ग्च्भ् परियोजना मार्फत २०७६ सालदेखि सातै प्रदेशमा यो कार्यक्रम सञ्चालन गरिदै आएको र लुम्बिनी प्रदेश अन्तर्गत ११ पालिकाहरुमा यो कार्यक्रम संचालनमा रहेको कार्यक्रममा जानकारी गरिएको हो । नेपाली युवाहरुमा देखिएको बढ्दो बिदेश पलायनलाई रोकथाम गरी स्वदेशमै श्रम, सिप र रोजगार प्रबर्धन गर्न नेपाल सरकारले यस्तो कार्यक्रम ल्याएको बताइएको छ ।

त्यस्तै यो कार्यक्रम अन्तर्गत सिप प्रवर्धन, बृत्ति परामर्श,क्षमता अभिबृद्धि र ब्यवसाय जन्य स्वास्थ्य सुरक्षा गरि चार सेक्टरमा प्रशिक्षार्थीलाई सिकाई प्रदान गरिने परियोजनाका लुम्बिनी प्रमुख राजकुमार सेतिमहरले जानकारी दिए । एस.एल सि. वा एसईई पास गरेका जनशक्तिले प्रबेश परीक्षा पास गरेर यसमा भर्ना हुन पाईने, काम गर्दै सिक्दै र कमाउँदै गर्ने अवसर रहने, सुरुवातमा ३ महिना सम्बन्धित विद्यालयमा सैद्धान्तिक कक्षा लिने, तत्पश्चात हप्तामा १ दिन विद्यालय र बाँकी सबै दिन उद्योगहरुमा प्रयोगात्मक सिकाई रहने, हातमा सिप र साथमा सिटिईभिटीको प्रमाणपत्र दुवै पाईने, रोजगारीको ग्यारेण्टि रहने, न्यूनतम ज्यालाको २५ प्रतिशत रकम सिक्ने उद्योगमा प्रोत्साहन स्वरुप पाईने, सरकारको तर्फबाट दैनिक १ सयका दरले यातायात खर्च वापत् २४ महिनामा ५२ हजार प्राप्त हुने, बर्षमा एक पटक पोशाक खर्च वापत ३ हजार पाईने र श्रम ऐन बमोजिम दुर्घटना बिमाको सुविधा समेत प्राप्त हुने कार्यक्रम सहयोग ईकाई लुम्बिनीका राजकुमार सेतीमहरले जानकारी दिए ।

सरकारको यस अभियान अन्तर्गत विद्यार्थीले २४ महिनामा निःशुल्क प्रि–डिप्लोमा अटोमोवाईल इन्जीनियरिङ, होटल ब्यवस्थापन, इलेक्ट्रीकल इन्जीनियरिङ, मेकानिकल इन्जिनीयरिङ, प्रि–डिप्लोमा सिभिल इन्जीनियरिङ (कण्ट्रक्सन), वालबिकास सहजकर्ता र प्रि–डिप्लोमा सुचना प्रबिधि लगायतका विषयहरुमा अध्ययन गर्न पाईने बताइएको छ । यो वर्ष पढ्नका लागि नाम निकाले पछि विद्यालय, उद्योग र विद्यार्थी बीच त्रिपक्षिय संझौता गरिने सीप सिकेपछि स्वदेशमै रोजगार पाईने र सीप सिक्नेवेला पनि पढ्दै कमाउदै गर्न पाईने प्रावधान रहेको सरोकारवाला निकायले जनाएको छ । कार्यक्रममा शैक्षिक शरोकारवालाहरु, संघसंस्था, जनप्रतिनिधी, पत्रकार र महिला स्वास्थ्य स्वयंसेविकाहरुको उपस्थिती रहेको थियो ।