Lnp-8

Ggp2

Ggp1

Ggp5

Ggp4

Lnp9

Lnp3

Ggp3

Lnp1

Lnp2

Ggp6

Lnp5

दाङ । गैरसरकारी संस्था महासंघ लुम्बिनी प्रदेश समितिको आयोजनामा आईतवारदेखि प्रदेशका सबै जिल्लाहरुबाट आएका संघसंस्थाहरुका अगुवाहरुलाई प्रदेश राजधानी देउखुरीमा नेतृत्व क्षमता बिकास,प्रतिवेदन तथा प्रस्तावना लेखन कार्यशालाको उद्घाटन गरिएको छ ।

गैसस महासंघ लुम्बिनी प्रदेश अध्यक्ष जित कुमारी बेल्वासे (शुसीला ) को अध्यक्षतामा आयोजित कार्यशालाको उद्घाटन लुम्बिनी प्रदेश सरकारका सामाजिक बिकास समितिका सभापति यमु गैरेले गमलाको बिरुवामा पानी हालेर गरेका हुन् । कार्यक्रमको उद्घाटन गर्दै सभापति गैरेले गैरसरकारी संस्था महासंघ नागरिकहरुको स्वतन्त्रताको पक्षमा मानव संसाधनको बिकासका लागि काम गर्ने सामाजिक संस्था भएको बताए ।लैंगिक समानता, बिपन्न र सिमान्तकृत वर्ग समूदाय र लैगिक अल्पसंख्यक वर्ग समूदायको समून्नत बिकासका लागि गैह्र सरकारी संस्था महासंघले भूमिका खेल्नुपर्ने उनले बताए । मानव सुशांकको विकासमा गैससको भूमिका रहनुपर्ने र संघसंस्थाहरुमा शुसासन तथा पारदर्शिता कायम गर्नेगरी बिकृति र बिसंगतिहरुलाई मौलाउनबाट जोगाउने कार्यमा महासंघको भूमिका महत्वपूर्ण रहने उनले औंल्याए । गैरसरकारी सामाजिक क्षेत्रबाट आफ्नो ब्यक्तित्वको बिकास गरेर यो स्थानमा आउन सफल भएको सभापति गैरेले भने ।

कार्यक्रममा बोल्दै लुम्बिनी प्रदेश सरकार सामाजिक बिकास मन्त्रालयका सचिव बिनोद खड्काले नागरिकहरुको अधिकारकोे पक्षमा सरकारका निकायहरुसंग छलफल, वहस र पैरवी गर्दै सरकारका निकायहरुलाई पनि गैसस महासंघले सचेत गराउदै आएको बताए । नागरीकहरुको पक्षमा काम गर्ने सामाजिक संघसंस्थाहरुको छाता संगठनलाई प्रदेश सरकारको पनि साथ र सहयोग रहने उनले बताए । कार्यक्रममा गैरसरकारी संस्था महासंघ लुम्बिनप् प्रदेशका इन्चार्ज गोबिन्द प्रसाद रेग्मी र अधिकारकर्मी जुनु चौधरी लगायतले बोलेका थिए ।सोमवारसम्म संचालन हुने उक्त कार्यशालामा गैरसरकारी संघसंस्थाहरुको संस्थागत क्षमता बिकास, गैससको स्थापनाको औचित्य र ऐतिहासीक पृष्ठभूमी,प्रतिवेदन लेखन र प्रस्तावना लेखन सम्बन्धि अभ्यास र संघसंस्थाहरुमा नेतृत्व बिकासको पोलिसी तथा सुशासन र पारदर्शिताका बारेमा सैद्धान्तीक एवं प्रयोगात्मक अभ्यास गरिने गैसस महासंघ लुम्बिनी प्रदेशका कार्यकारी अधिकृत केशव भुसालले जानकारी दिए । दुई दिनसम्म संचालन गरिने यस कार्यक्रममा गैसस महासंघ नेपालका विज्ञहरु शोभाराम डाँगी र सञ्जय लम्सालले प्रशिक्षण दिने छन् । उद्घाटन कार्यक्रमको संचालन महासंघका लुम्बिनी प्रदेश कार्यकारी अधिकृत केशव भुसालले गरेका हुन् ।