Ggp6

Lnp3

Ggp3

Ggp4

Lnp9

Ggp5

Lnp1

Ggp1

Lnp-8

Lnp5

Lnp2

Ggp2

दाङ । देउखुरीको लमही नगरपालिका वडा नम्बर ५ लमहीमा माया हस्तकला उद्योगको बिहीबार उद्घाटन गरिएको छ ।

सांस्कृतिक भेषभुषाको पोशाकलाई पहिलो प्राथमिकता दिएर संचालनमा ल्याइएको उक्त उद्योगलाई लमही नगरपालिकाका प्रमुख जोगराज चौधरी र उप-प्रमुख लक्ष्मी योगीले संयुक्तरुपमा उद्घाटन गरेका हुन् ।उद्योगलाई उद्घाटन गर्दै नगर प्रमुख चौधरीले यसैगरी हरेक मानिसहरु विभिन्न पेशा व्यवसायीसंग जोडिएर आफ्नो स्वदेशमै व्यवसायी बन्नुपर्ने बताएका छन् । पछिल्लो समय स्वदेशमा जीवनयापन गर्नका लागि कुनै पनि सम्भावना नरहेको भन्दै हरेक युवा- युवतीहरु विदेश तिर पलायन हुने क्रमहरु चलिरहेको बेला यसरी आफ्नै स्वदेशमा व्यवसायीसंग जोडिनु पर्छ भनेर उद्योग संचालनमा ल्याउने संचालकलाई नगर प्रमुख चौधरीले हार्दिक धन्यवाद सहित सफलताको बधाई समेत दिए ।

त्यस्तै उप-प्रमुख योगीले उद्योगको सफलताको शुभकामना दिदै आगामी दिनमा नगरपालिकाद्वारा दिइने विभिन्न सीपमूलक तालिमहरुमा सहभागी भएर सीप प्राप्तगरि अझै थप व्यवसायीमा अब्बल भएर लाग्न आग्रह गरिन् ।

उक्त उद्योगमा विषेश गरेर स्वीटर,डल कुशन,झोला तथा सांस्कृतिक भेषभुषाका पोशाकहरु सुपथ मूल्यमा पाइनुका साथै सांस्कृतिक भेषभुषाका कपडाहरु क्लब र विवाह,पूजा एवं मेला महोत्सवहरुका लागि भाडामा दिइने उद्योग संचालक रुपा रोका मगरले जानकारी दिइन् ।उनले लमही नगरपालिकाले आयोजना गरेको डल र बुटिक बनाउने तालिममा सहभागी भएकि थिईन । सिकेका कुरालाई ब्यबहारमा लागु गर्न पसल उद्योग गरेकि हुन् । मेड्पा कार्यक्रम अन्तरगत उद्यमी बन्न उनी तालिममा सिकेका कुरालाई ब्यबहारमा लागू गर्दै उद्यमी बनेकि छिन् । माया ग्यालरी फेसबुक पेज पनि संचालन रहेको र त्यसमा सामानहरु पोस्ट हुने जानकारी दिइन् ।

उद्योग उद्घाटन कार्यक्रममा जिल्ला समन्वय समिति दाङका सदस्य कुलबहादुर बुढा,लमही नगरपालिकाका प्रशासन शाखा प्रमुख महेश ठेडी थापा,युवा व्यवसायीक दिल्लीराज खनाल,शिक्षिका हिमा थापा,पत्रकारहरु टेकबहादुर पुन,प्रिया स्मृती गज्मेर लगायतको सहभागीता रहेको थियो ।