काठमाडौँ । अवैध रुपमा भारत लैजादै गरेको गाई गोरु सहित ३ जनालाई जिल्ला प्रहरी कार्यालय रौतहटले पक्राउ गरेको छ ।

त्यस्तै अवैध रुपमा भारततर्फ गाई गोरु लगिरहेका यमुनमाई गाउँपलिका ३ का ४५ वर्षीय महम्द गुफरान, ३५ वर्षीय ओहिद अन्सारी र २२ वर्षीय महम्द सम्सादलाई प्रहरीले पक्राउ गरेको हो ।

उनिहरुलाई बिहीबार पक्राउ परेको भएपनि प्रहरीले शुक्रबार मात्र सार्वजनिक गरेको हो । उनीहरुलाई २ वटा गोरु, ४ वटा गाई र ३ वटा बाछा अवैध रुपमा भारततर्फ लैजाँदै गरेको अवस्थामा नियन्त्रणमा लिइएको जिल्ला प्रहरी कार्यालय रौतहटले जनाएको छ ।

त्यस्तै पक्राउ परेका व्यक्ति र गाई गोरु गौर भन्सार कार्यालयमा बुझाइएको प्रहरीले जनाएको छ । गाई धनी फरार रहेको उनको खोजी भैरहेको प्रहरीले जनाएको छ ।