Rgup

SAbk

Unku

nkpm

RppdA

sbsg

NKS

Rkkc

Rspls

Ggp3

Lnp3

Lnp1

Ggp4

Ggp2

Lnp-8

Lnp5

Lnp9

Lnp2

Ggp6

Ggp1

Ggp5

दाङ । देउखुरीको राप्ती गाउँपालिकाले यात्रु र स्थानीयका लागि नि:शुल्क घुम्ती शौचालय सञ्चालनमा ल्याएको छ।एशियाली विकास बैंक र जापान फण्ड फर प्राेवर्टी रिडक्सन (जेएफपीआर)को अनुदान सहयोगमा खानेपानी मन्त्रालय अन्तर्गतको खानेपानी तथा ढल व्यवस्थापन विभागले मझौला र साना सहरहरूमा खानेपानी,सरसफाइ,स्वच्छता र स्वास्थ्य पहल मार्फत कोभिड-१९ रोकथाम तथा नियन्त्रण आयोजना मार्फत उपलब्ध साे शौचालय सञ्चालनमा ल्याइएको हाे ।

त्यस्तै उपलब्ध दुई घुम्ती शौचालयमध्ये एउटा वडा नम्बर २ को लालमटियामा सञ्चालन गरिएको छ भने अर्को शौचालयलाई मेला,महोत्सव र विशेष कार्यक्रममा प्रयोग गरिने गाउँपालिकाले जनाएको छ । उक्त शाैचालयमा एउटा अपाङ्ग मैत्री शाैचालय सहित ५ वटा शाैचालय रहेको छ । लालमटियामा सञ्चालनमा आएको शौचालयको व्यवस्थापन लालमटिया बजार व्यवस्थापन समितिले गर्ने छ ।

राप्ती गाउँपालिकाका अध्यक्ष प्रकाश विष्टले शौचालय सुविधा नभएका स्थानहरूमा घुम्ती शौचालयको व्यवस्था गरिँदा यात्रु र स्थानीय बासिन्दालाई सहज हुने विश्वास व्यक्त गरे । उनले यसले स्थानीयको स्वच्छता र स्वास्थ्यमा सकारात्मक प्रभाव पार्ने समेत बताए ।