sbsg

SDBS

Rkkc

Rspls

Jmbg

Vim

RppdA

Smbk

NKS

jmb

Unku

nkpm

Rgup

Jmbp

SAbk

Lkpuss

Lnp1

Lnp5

Jmb

Ggp6

Ggp2

Lnp-8

Ggp5

Ggp1

Lnp9

Lnp2

Ggp4

Lnp3

Ggp3

दाङ । देउखुरीका चार स्थानीय तहहरूले संयुक्तरूपमा स्वास्थ्य संस्था दर्ता,नवीकरण तथा स्तरोन्नति सम्बन्धि निर्देशिका तयार गर्ने कार्य अघि बढाएका छन् । राप्ती, गढवा, राजपुर गाउँपालिका र लमही नगरपालिकाले उक्त निर्देशिकालाई स्वास्थ्य सेवाको गुणस्तर अभिवृद्धि गर्ने उद्देश्यका साथ तयार पार्न लागेका हुन् ।

सोमबार राप्ती गाउँपालिकामा आयोजना गरिएको एकदिने गोष्ठीमा निर्देशिका निर्माण सम्बन्धी विभिन्न विषयमा छलफल भएको छ । राप्ती गाउँपालिकाका अध्यक्ष प्रकाश विष्टको अध्यक्षतामा सम्पन्न उक्त गोष्ठीमा स्वास्थ्य संस्था दर्ता,नवीकरण तथा स्तरोन्नतिका लागि आवश्यक नीतिगत सुधारहरू र कार्यान्वयन रणनीतिहरूको चर्चा गरिएको थियो।

गाेष्ठीकाे लुम्बिनी प्रदेश स्वास्थ्य निर्देशनालयका वरिष्ठ जनस्वास्थ्य प्रशासक रोशनलाल चौधरी र वरिष्ठ जनस्वास्थ्य अधिकृत गोकर्ण गिरीले सहजीकरण गरेका थिए । उनीहरूले निर्देशिका निर्माणका लागि आवश्यक कार्यप्रणाली र त्यसको महत्त्वबारे जानकारी गराएका थिए ।

साे कार्यक्रममा बोल्दै राप्ती गाउँपालिकाका अध्यक्ष प्रकाश विष्टले स्वास्थ्य संस्था दर्ता,नवीकरण र स्तरोन्नति निर्देशिका निर्माणका लागि स्थानीय तहहरूको सहकार्य अत्यन्तै महत्त्वपूर्ण रहेको धारणा व्यक्त गरे । उनले भने, “स्वास्थ्य सेवामा एकरूपता र गुणस्तर अभिवृद्धिका लागि यो निर्देशिका एउटा मार्गदर्शक बन्नेछ । यसले सेवा प्रदायक र लाभग्राहीबीच विश्वासको सम्बन्ध निर्माण गर्न महत्वपूर्ण भूमिका खेल्नेछ ।” अध्यक्ष विष्टले निर्देशिकाले नीतिगत स्थायित्व ल्याउन सहयोग पुग्ने र स्वास्थ्य संस्थाहरूलाई दीर्घकालीन रूपमा प्रभावकारी बनाउने विश्वास व्यक्त गरे ।

गोष्ठीमा राप्ती गाउँपालिकाकी उपाध्यक्ष कमलापती चौधरी,वडा नम्बर ५ का वडा अध्यक्ष देवप्रसाद चाैधरी,राप्ती, गढवा, राजपुर गाउँपालिका र लमही नगरपालिकाका स्वास्थ्य शाखाका प्रमुख र विभिन्न स्वास्थ्य संस्थाका डाक्टर तथा स्वास्थ्यकर्मीहरुकाे सहभागिता रहेको थियो ।