NKS

Smbk

Unku

nkpm

Rgup

Jmbg

SAbk

Vim

Jmbp

SDBS

jmb

RppdA

sbsg

Rspls

Rkkc

Ggp5

Lnp1

Lnp9

Lnp2

Lnp3

Ggp6

Ggp2

Ggp4

Lnp5

Jmb

Lnp-8

Ggp3

Lkpuss

Ggp1

बुटवल । सहकारी ठगीबारे अनुसन्धानका लागि बयान लिन कास्कीबाट मंगलबार दिउँसो भैरहवा ल्याइएका पूर्व गृहमन्त्री रवि लामिछानेले सहकारी रकम हिनामिनामा आफ्नो संलग्नता अस्वीकार गरेका छन् ।

जिल्ला सरकारी वकिलको कार्यालय रुपन्देहीमा लामिछानेको बयान लिइएको हो । साँझ ६ बजे बयानको क्रम सकिएको छ । बुधबार (भोलि) पनि उनको बयान लिइने जिल्ला प्रहरी कार्यालय रुपन्देहीका एसपी रञ्जित सिंह राठोरले जनाए ।

राष्ट्रिय स्वतन्त्र पार्टीका सभापतिसमेत रहेका लामिछानेसँगको बयानमा इलाका प्रहरी कार्यालय बुटवलका डीएसपी विजय पण्डित, जिल्ला न्यायाधिवक्ता प्रेमराज पौडेल सहित केही अनुसन्धान अधिकृत सामेल थिए । उनीहरूले सुप्रिम सहकारीको रकम हिनामिनाबारे लामिछानेसँग सोधपुछ गरेका थिए ।

मंगलबार सामान्य सोधपुछ भए पनि लिखित सोधपुछ बुधबार हुने जिल्ला न्यायाधिवक्ता पौडेलले जानकारी दिए । ‘आज सामान्य सोधपुछ भयो,’ उनले भने, ‘भोलिदेखि लिखित प्रश्न सोध्छौँ ।’ रवि लामिछानेलाई आज जिल्ला प्रहरी कार्यालय भैरहवामै राखिएको छ ।

बुटवलस्थित सुप्रिम बचत तथा ऋण सहकारी संस्थाको १४ करोड २९ लाख रुपैयाँ गोरखा मिडिया नेटवर्क प्रालिमा लगेर खर्च गरेको भन्दै लामिछाने विरुद्ध सङ्गठित ठगी गरेको आरोपमा अनुसन्धान भइरहेको छ । बयानमा भने उनले सहकारीबाट रकम नलगेको जिकिर गरेका छन् । सहकारीबाट आफ्नो नाममा गएको रकम कसले र कसरी लग्यो भन्नेबारे आफूलाई जानकारी नरहेको लामिछानेले बयानका क्रममा बताएका छन् ।

अनुसन्धानमा संलग्न स्रोतका अनुसार बयानमा रवि लामिछानेले आफूले सहकारीबाट रकम नलगेको र कसैलाई त्यस्तो आग्रह वा निर्देशन समेत नदिएको जिकिर गरेका छन् । गोरखा मिडियाको तत्कालीन प्रबन्ध निर्देशकको हैसियतमा सहकारीबाट उक्त मिडियामा गएको रकमका विषयमा उनीसँग सामान्य सोधपुछ भएको बताइएको छ ।

त्यस्तै सहकारी रकम हिनामिनाबारे छानबिन गर्न गठित संसदीय छानबिन समितिको प्रतिवेदनमा सुप्रिम सहकारीको खाताबाट गोरखा मिडिया नेटवर्कको खातामा सिधै रकम ‘ट्रान्सफर’ भएको उल्लेख छ । उक्त रकम कर्मचारी रोशनी गुरुङले जम्मा गरिदिएको उल्लेख छ । यससँगै रविको नाममा थप ९६ लाख रुपैयाँ प्रवाह भएको प्रतिवेदनमा उल्लेख छ ।

समर्थक र सहकारी पीडित सडकमा

रवि लामिछानेलाई भैरहवा ल्याएपछि सडकमा उनका समर्थकले विरोध प्रदर्शन गरे भने सहकारी पीडितले पनि सहकारी ठगीबाट निष्पक्ष छानबिन र अनुसन्धानका लागि दबाब दिँदै प्रदर्शन गरेका छन् । मंगलबार भैरहवास्थित गौतम बुद्ध विमानस्थलमा रवि लामिछानेलाई ल्याउनासाथ समर्थकहरू नाराबाजीमा उत्रिए । उनीहरूले लामिछानेलाई ठुला दलहरूले फसाएको आरोप लगाए ।

अर्कोतिर बुटवलको सुप्रिम सहकारीका पीडितहरूले आफ्नो रकम फिर्ता गर्नुपर्ने, दोषीलाई कारबाही गर्नुपर्ने भन्दै भैरहवामा दबाबमूलक प्रदर्शन गरेका छन् । सुप्रिम सहकारी पीडित संघर्ष समितिका संयोजक विजय नेपालले बुधबार पनि आफूहरूको प्रदर्शन जारी रहने बताए । राष्ट्रिय स्वतन्त्र पार्टीका नेताहरूले कोणसभा गर्दै रवि लामिछानेलाई फसाउने उद्देश्यले विभिन्न मुद्दा लगाइएको आरोप लगाए । उनीहरूले सहकारीभन्दा ठुलो मानव बेचबिखन, बालुवाटार जग्गा, सुन प्रकरणमा छानबिन तथा कारबाही अघि बढाउन सरकारले चासो नदेखाएको आरोपसमेत लगाए ।

त्यस्तै रास्वपाका दीपक बाेहाेरा, जेपी गुप्ता, प्रमोद न्यौपाने लगायतले कोणसभालाई सम्बोधन गरेका थिए । रास्वपाका नेता तथा कार्यकर्ताले बुधबार पनि विरोध प्रदर्शन जारी रहने जनाएका छन् । रवि लामिछानेलाई सहकारीको रकम ठगी, सङ्गठित अपराध र सम्पत्ति शुद्धीकरण सम्बन्धी कसुरमा अनुसन्धान गर्न कास्कीबाट प्रहरीले रुपन्देही ल्याएको हो ।रातोपाटी