Jmbg

nkpm

Rgup

SDBS

Vim

Rspls

sbsg

NKS

Jmbp

jmb

Smbk

Unku

RppdA

SAbk

Rkkc

Ggp6

Ggp3

Lnp2

Ggp1

Lnp9

Ggp4

Lnp5

Jmb

Lnp1

Lnp3

Lkpuss

Lnp-8

Ggp5

Ggp2

दाङ । गढवा गाउँपालिका र नेपाल नेत्रज्योति संघ, राप्ती आँखा स्वास्थ्य कार्यक्रम तथा लमही आँखा अस्पतालको सहकार्यमा गढवा गाउँपालिका वडा नम्बर ५ बाँकीमा आइतबार नि:शुल्क आँखा चेकजाँच शिविर सम्पन्न भएको छ ।उक्त शिविरमा ८६ जनाको आँखा परीक्षण गरिएको थियो,जसमा १६ जना मोतिबिन्दुका बिरामी पत्ता लागेको लमही आँखा अस्पतालकी नेत्र सहायक समिक्षा सत्गैयाले जानकारी दिए ।

शिविरमा ३६ जनालाई नि:शुल्क चस्मा वितरण गरिएको छ। लमही आँखा अस्पतालकी नेत्र सहायक समिक्षा सत्गैयाका अनुसार शिविरमा ५३ महिला र ३३ पुरुषको आँखा जाँच गरिएको थियो। लमही आँखा अस्पतालले NABP-I CARE NORBAY र SILON CENTRE KOREA को आर्थिक सहयोगमा अत्याधुनिक PHACO प्रविधिबाट शल्यक्रिया गर्दा ५०% छुट प्रदान गरिनेछ ।

साथै,अति गरिब तथा विपन्न नागरिकहरूको लागि SICS प्रविधिमार्फत निशुल्क शल्यक्रिया गरिने व्यवस्था गरिएको नेत्र सहायक समिक्षा सत्गैयाले जानकारी दिए । PHACO प्रविधिमा शल्यक्रिया गर्दा नामदर्ता,ल्याब टेस्ट,औषधी र कालो चस्माजस्ता खर्च बिरामीले आफैं व्यहोर्नुपर्ने नेत्र सहायक सत्गैयाले जानकारी दिए ।

त्यस्तै नि:शुल्क आँखा चेकजाँच शिविर सञ्चालनबाट वडाका नागरिकहरूको आँखा स्वास्थ्यमा महत्वपूर्ण योगदान पुर्‍याउने अपेक्षा गरिएको ५ नम्बर वडाध्यक्ष लेख बहादुर थापाले बताए ।