Ggp2

Lnp5

Ggp1

Ggp3

Lnp-8

Ggp4

Ggp6

Ggp5

Lnp1

Lnp3

Lnp2

Lnp9

विराटनगर । नेकपा एमालेको साधारण सदस्य समेत नरहने गरी कारवाहीमा परेका भीम रावललाई विराटनगरमा स्वागत गर्न एकीकृत समाजवादीका नेता तथा कार्यकर्ता र राजावादीहरू विराटनगर विमानस्थलमा पुगेका छन् ।

केही दिन अघि एमालेबाट कारवाहीमा परेका रावललाई स्वागत गर्न एकीकृत समाजवादीका नेता वसिम आलाम नेतृत्वको समूह विमानस्थल पुगेको हो । आलाम एकीकृत समाजवादीका केन्द्रीय सदस्य हुन् । रावललाई विमानस्थलमा स्वागत गर्न सतिस पोख्रेलको समूह पनि विराटनगर पुगेको छ । उनी राजसंस्था फकाइनुपर्छ भन्दै अभियान सञ्चालन गर्दै आएका छन् । उनी दुर्गा प्रसाईँले नेतृत्व गरेको राष्ट्र, राष्ट्रियता, धर्म संस्कृति र नागरिक बचाउ अभियानमा समेत आबद्ध छन् । उनी शिव सेना मोरङको अध्यक्ष समेत भएका थिए । अहिले भने उनी शिव सेनामा आबद्ध छैनन् । विमानस्थलबाट रावल पोख्रेलकै गाडी चढेर सुनसरी गएका छन् ।

सुनसरीमा भरौल भेट्रान क्लबले आयोजना गर्ने अन्तर्राष्ट्रिय आमन्त्रण भरौल भेट्रान गोल्ड फुटबल प्रतियोगिताको उद्घाटन गर्न रावल सुनसरी आएका हुन् । तर, उनी उद्घाटनका लागि आए पनि प्रतियोगिता भने अन्तिम समयमा आएर सरेको छ । हिजो साँझ प्राविधिक कारण देखाउँदै प्रतियोगिताको उद्घाटन सरेको आयोजकले जनाएको छ । क्लबका अध्यक्ष पूर्व राष्ट्रिय खेलाडी विमल कार्की हुन् । उनले खेल मैदान व्यवस्थापनको काम नसकिएकाले उद्घाटन सरेको बताए ।

त्यस्तै राष्ट्र राष्ट्रियता धर्म संस्कृति र नागरिक बचाउ अभियानका अभियन्ता पोख्रेलले नागरिक बचाउने अभियानमा भीम रावल पनि जोडिएकाले आफू भीम रावलसँग जोडिएको बताए ।