Ggp5

Ggp3

Ggp1

Ggp2

Lnp5

Ggp6

Lnp1

Lnp3

Lnp2

Lnp9

Lnp-8

Ggp4

दाङ । लमहीमा क्रियाशील ८ दलले आसन्न हुनेगइरहेको लमही खानेपानी उपभोक्ता तथा सरसफाइ संस्थाको निर्वाचनमा एकजुट भएर सहभागी हुने निर्णय गरेका छन् ।

यस निर्णयले निर्वाचनलाई प्रतिस्पर्धात्मक र मर्यादित बनाउन तथा साझा लक्ष्यका लागि सहकार्यको वातावरण तयार गर्ने विश्वास गरिएको छ।

आइतबार लमहीमा बसेको बैठकले आठ दललाई एउटै साझा प्यानलमार्फत निर्वाचनमा सहभागी गराउने निर्णय गरिएको हो ।

बैठकमा सहभागी नेकपा माओवादी केन्द्र,राष्ट्रिय स्वतन्त्र पार्टी (रास्वपा),राष्ट्रिय प्रजातन्त्र पार्टी (राप्रपा),नेकपा एकीकृत समाजवादी पार्टी,नेपाल कम्युनिस्ट पार्टी (विप्लव),राष्ट्रिय जनमोर्चा पार्टी,जनता समाजवादी लगायत आठ
दलहरूले समावेशीता,पारदर्शिता र विकासलाई मुख्य एजेन्डा बनाएर काम गर्ने संकल्प गरेका छन्।

बैठकमा नेकपा (एकीकृत समाजवादी) का नेता सुदन खनालले समन्वय र सहकार्यको महत्त्वबारे चर्चा गर्दै भने, “हामी सबैको एउटै लक्ष्य भनेको हाम्रो क्षेत्रको समुन्नति र जनताको सेवामा इमानदारिता हो। यसका लागि हामीले पार्टीगत स्वार्थभन्दा माथि उठेर काम गर्नुपर्छ । साझा प्यानल खडा गर्नु भनेको एकता, विश्वास, र पारदर्शिताको प्रतिक हो।”

साझा प्यानल खडा गर्नका लागि दलहरूले निर्वाचन क्षेत्रका प्राथमिकता र साझा उम्मेदवार छान्नुपर्ने विषयमा गम्भीर छलफल गरे। सहमति अनुसार, निर्वाचनको मैदानमा पार्टीहरूको पहिचान भन्दा पनि क्षेत्रको समृद्धि र जनताको आवश्यकता पूर्तिमा केन्द्रित हुने लक्ष्य राखिएको छ।

बैठकमा सहभागी प्रतिनिधिहरूले विभिन्न मुद्दामा आ-आफ्नो धारणा राख्दै सहमति निर्माणको प्रयास गरेका थिए। उनीहरूले स्थानीय तहदेखि केन्द्रसम्म सहकार्यको सन्देश दिनका लागि यो निर्णय ऐतिहासिक र मार्गदर्शक हुने बताउँदै एक-अर्कालाई बधाई दिए।

साझा प्यानल खडा गर्ने निर्णयले राजनीतिक वृतमा सकारात्मक सन्देश दिएको छ। अब आउने दिनमा यी दलहरूले कुन उम्मेदवारलाई प्राथमिकता दिने, कसरी चुनाव प्रचारप्रसार गर्ने, र कस्तो रणनीति बनाउने भन्ने कुराले स्थानीय राजनीति थप रोचक बनाउनेछ।

बैठकपछि सहभागी नेताहरूले पत्रकारहरूसँग कुराकानी गर्दै भने, “हाम्रो लक्ष्य भनेको जनताको विश्वास जित्नु र पारदर्शी राजनीतिलाई अगाडि बढाउनु हो। हामीले मिलेर काम गर्ने प्रण गरेका छौँ।”

यो सहकार्यले लमहीको स्थानीय राजनीति र विकासमा कस्तो प्रभाव पार्छ भन्ने हेर्न बाँकी छ। तर, आठ दलको यो कदमले साझा सहकार्य र स्थिरताका लागि एक सकारात्मक सन्देश दिएको छ । निर्वाचन यहीँ पुस २७ गते हुने जनाइएको छ ।