दाङ । नि:शुल्क लोकसेवा र शिक्षक सेवा आयोगको २ महिने तयारी कक्षा शुक्रबार राजपुर गाउँपालिका वडा नम्बर ४ दुलैयामा उद्घाटन भएको छ ।

राजपुर गाउँपालिकाको आयोजना तथा न्यु भिक्टोरिया ट्युसन सेन्टरको सहजीकरणमा लोकसेवा र शिक्षक सेवा आयोगको तयारी गरिरहेका विद्यार्थीहरुका लागि नि:शुल्क तयारी कक्षा संचालनमा ल्याइएको हो ।

उक्त तयारी कक्षाको राजपुर गाउँपालिका अध्यक्ष शरद कुमार बुढाथोकी,उपाध्यक्ष धनपती यादव, प्रमुख प्रशासकीय अधिकृत रेमन्त बहादुर डाँगी,सामाजिक बिकाश संयोजक तथा वडा नम्बर २ का वडा अध्यक्ष ओम प्रकश यादव,४ नम्बर वडा अध्यक्ष रामेश्वर यादवले संयुक्त रुपमा उद्घाटन गरेका हुन् ।

त्यस्तै सो उद्घाटन कार्यक्रममा सुचना शाखा प्रमुख शरद रेग्मी लगायतको उपस्थित रहेको कार्यक्रमको सन्चालन न्यु भिक्टोरिया ट्युसन सेन्टरका सत्यपाल यादवले गरेका थिए ।