NKS

sbsg

Rgup

RppdA

Rspls

Unku

nkpm

Rkkc

SAbk

Ggp1

Ggp4

Ggp6

Lnp9

Lnp2

Lnp3

Ggp2

Lnp-8

Lnp1

Ggp3

Ggp5

Lnp5

दाङ । राजपुर गाउँपालिकाको कार्यपालिका बैठक आइतबार बसेको छ । गाउँपालिका अध्यक्ष लोकराज केसीको अध्यक्षतामा बसेको बैठकमा विभिन्न विषयको २६ वटा प्रस्तावहरुमा छलफल भएको थियो । आइतबार गाउँपालिका उपाध्यक्ष धनपती देवी यादव,प्रमुख प्रशासकीय अधिकृत रामप्रसाद खनाल वडा नम्बर १,२,३, ४,६,७ का वडा अध्यक्ष र कार्यपालिका सदस्यहरुको उपस्थितिमा बसेको बैठकमा गाउँपालिकामा उठेका निम्न प्रमुख विषय संगै अन्य प्रस्तावहरुमा छलफल भएको हो ।

त्यस्तै तत्काल उठेको प्रमुख विषय गाउँपालिकाको वडा नम्बर ३ खरदरिया घाट क्षेत्रमा नदिजन्य पदर्थ उत्खनन गर्ने ठेक्का पाएको केसी निर्माण सेवालाई मिति २०७७/ ०६/१५ गते गाउँपालिका अध्यक्षको नेतृत्वमा अनुगमन गरि नदिजन्य पदार्थको स्टकको नाप जाप गर्दा ५८ हजार घन मिटर पाइएको र हाल सम्म निज निर्माण सेवाले सो स्टकको सम्झौता बमोजिम भन्दा अत्यधिक मात्रामा उत्खनन गरेको र सो नदिजन्य पदार्थको राजस्व दाखिला नगरेको हुँदा निजले पहिले दाखिला गरेको राजस्व र स्टक अनुसारको राजस्व हिसाब मिलान गरि जरिवाना सहित १५ दिन भित्र सो कार्यालयमा राजस्व दाखिला गर्न भनि पत्राचार गर्ने भनी निर्णय पारित गरेको छ ।

यस्तै राजपुर गाउँपालिका र गढवा गाउँपालिकाको सिमा विवाद सम्बन्धमा वास्तविक सिमा कायम गर्न दुवै गाउँपालिका बीच छलफल तथा स्थलगत निरीक्षण गर्नको लागि गढवा गाउँपालिकालाई पत्राचार गर्ने र विवाद समाधानमा सहयोगको दिन भनि नापी कार्यालय लमही दाङलाई पत्राचार गर्ने भनी निर्णय पारित गरेको छ । त्यस्तै गाउँपालिकाको स्थापना कालदेखि हालसम्म पनि सार्वजनिक सुनुवाइ हुन नसकेको सम्बन्धमा आर्थिक वर्ष २०७७/०७८ को खर्च विवरण लगायतको जानकारी आम जनताहरुमा गराउनको लागि आगामी ८ औं गाउँ सभा सम्पन्न भएपछि तत्कालै सार्वजनिक सुनुवाइ गर्ने निर्णय भएको छ ।

यस्तै बैठकमा वडा नम्बर ५ को सार्वजनिक जग्गा प्लाटिङग सम्बन्धमा आउदो मंगलबारको कार्यपालिका बैठकमा व्यापक छलफल गरि निर्णय गर्ने भएको छ । यसैगरी अन्य प्रस्ताव र निर्णयहरु हेर्नको लागि राजपुर गाउँपालिकाको वेबसाइटमा गएर हेर्न सकिने गाउँपालिका प्रशासकीय अधिकृत महेश थापा ठेडी मगरले जानकारी दिनु भएको हो । त्यस्तै अर्को कार्यपालिका बैठक यहीँ माघ २७ गते मंगलबार डाकेको गाउँपालिका प्रवक्ता श्याम बहादुर रोकाले बताउनु भयो ।