Unku

NKS

Rkkc

nkpm

RppdA

Rspls

Rgup

SAbk

sbsg

Lnp5

Lnp3

Lnp9

Ggp5

Lnp2

Ggp4

Lnp-8

Ggp1

Ggp3

Ggp6

Ggp2

Lnp1

दाङ । देउखुरीको राजपुर गाउँपालिकामा भूमीसम्बन्धि समस्या समाधान आयोग, २०७६ मार्फत भूमिहीन दलित/ भूमिहीन सुकुम्बासी र अव्यवस्थित बसोबासीकालागि तथ्यांक संकलन गर्ने कार्य निरन्तर रहेको छ । यस्तै निबेदन फाराम भर्ने भराउने कार्य राजपुर गाउँपालिकाको वडा नम्बर १, ३, ५, ६, ७ नम्बर वडामा सम्पन्न भइसकेको छ भने सो सम्बन्धी कार्य वडा नम्बर २ र ४ मापनि भइरहेको छ ।

त्यस्तै तथ्यांक संकलन गर्ने कार्यकालागी पालिकामा जम्मा जना १० संकलक र अन्य कर्मचारी ४ गरि जम्मा १४ जना कर्मचारीहरु काम खटिरहेको अवस्था छ। अहिले सम्म अनुमानितरुपमा ३५ सय जतिले फाराम भरेको तथ्यांक संकलक राधा यादबले जानकारी दिनु भयो ।

यसैगरी फाराम भरिसकेपश्चात सम्बन्धित वडामा फारामहरु जम्मा हुने र वडाले नियमानुसार प्रमाणित गरि गाउँपालिकामा पेश गर्नुपर्ने र वडा कार्यालयले प्रमाणित गरि पठाएका निबेदन फारामउपर गाउँ कार्यपालिकाले निर्णय गरि आयोगमा पठाउनुपर्ने प्रावधान रहेको र अन्तिम निर्णय आयोगमा रहने बुझिएको छ ।

त्यस्तै आवश्यक प्रकृया पुगेको खण्डमा अर्थात ९ अनुसूची पूरा गर्ने सेतो रङ्गको फाराम भर्ने आवेदकले १ बिगाहा ९ कठ्ठा ८ नम्बर ऐलानि जग्गा पाउनसक्ने छन भने रातो रङ्गको फाराम भर्नेले ७ कट्ठा जसमध्ये १ कट्ठा घरबास र ६ कट्ठा कृषि प्रयोजनकलागि पाउन सक्नेछन । आयोगको यसप्रकारको कार्यले गर्दा भूमिहिन सुकुम्बासीहरुको समस्यापनी समाधान हुने र ८ नम्बर ऐलानी जग्गा केकती छ यसको लगत संकलन गर्न सहज हुने बुझिएको छ।