Ggp3

Lnp5

Ggp2

Ggp6

Ggp1

Lnp-8

Ggp5

Lnp3

Ggp4

Lnp9

Lnp2

Lnp1

रुपन्देही । लुम्बिनी प्रदेशका मुख्यमन्त्री कुलप्रसाद केसी (सोनाम)ले सुरक्षामा कटौती गरेका छन् ।

यस्तै उनले स्कटिङमा खट्दै आएका आधा सुरक्षाकर्मी घटाएका छन् । के.सीले सुरक्षामा खटिएका सशस्त्र प्रहरीलाई फिर्ता पठाएका हुन् । प्रहरी नायब निरीक्षकको कमाण्डमा रहेको सात जनाको प्रहरी टोलीलाई केसीको निर्देशनमा फिर्ता पठाइएको हो ।

मुख्यमन्त्री कार्यालयका अनुसार यस अघि मुख्यमन्त्री शंकर पोख्रेलले स्कटिङमा १४ जना सुरक्षाकर्मी प्रयोग गर्दै आएका थिए । खटिएका सुरक्षाकर्मीमध्ये नेपाल प्रहरीको सात जनाको ‘अगुवा’ र सशस्त्र प्रहरीको सोही संख्यामा ‘पछुवा’ थिए । ती सुरक्षाकर्मीहरु मुख्यमन्त्री केसीले पदभार ग्रहण गरेसँगै हटाएका हुन् ।

त्यस्तै मुख्यमन्त्री केसीले जननिर्वाचित प्रतिनिधि जनतामा जाँदा असुरक्षाको महसुस गर्नुपर्ने अवस्था नरहेको बताए । उच्चपदस्थको सुरक्षाको नाममा अनावश्यक जनशक्ति खटाउँदा जनसुरक्षामा असर पर्ने उनको भनाइ छ । अहिले प्रदेश सरकारले सुरक्षाकर्मी परिचालनमा नयाँ कार्ययोजना बनाउने तयारी गरिरहेको छ ।