SAbk

NKS

Rkkc

Unku

Rgup

RppdA

sbsg

nkpm

Rspls

Ggp2

Lnp5

Lnp2

Lnp3

Ggp5

Ggp6

Ggp4

Ggp1

Lnp9

Lnp-8

Ggp3

Lnp1

दाङ । गढवा गाउँपालिकाको आर्थिक सहयोग र गढवा गाउँपालिका स्तरीय वाल संजालको आयोजनामा देउखुरीको गढवामा विविध कार्यक्रमका साथ ५७ औं राष्ट्रिय वालदिवस सम्पन्न भएको छ ।

समृद्ध राष्ट्रको मूल आधार–सुरक्षा र मुस्कान सहितको वाल अधिकार भन्ने मुल नाराका साथ पालिका स्तरीय वाल संजालका अध्यक्ष निजाम खानको अध्यक्षता र गढवा गाउँपालिकाका उपाध्यक्ष शान्ती चौधरीको प्रमुख आतिथ्यमा कार्यक्रम भएको हो ।

कार्यक्रममा बोल्दै गढवा गाउँपालिकाका उपाध्यक्ष शान्ती चौरीले वाल अधिकारको संरक्षण,संबर्धन र सदुपयोगकालागि गाउँपालिकाको तर्फबाट यथासक्य भूमिका निर्वाह गरिरहेको बताउदै अधिकार खोज्दा कर्तब्यलाई नविर्सन वालवालीकाहरुलाई आग्रह गर्नुभयो ।

कार्यक्रममा गाउँपालिकाका सामाजिक बिकास संयोजक तथा वडा नम्बर ४ का वडा अध्यक्ष गुलाम मोहम्मद जागा मुसलमानले वाल अधिकारको सुनिश्चितता आजको आवश्यकता भएको औंल्याउनु भयो । कार्यक्रममा जनता माध्यमिक बिद्यालय गढवाका प्रधानाध्यापक रामसुरत यादव,संजालका संस्थापक अध्यक्ष जगधिश यादव लगायतले बोल्नुभएको थियो ।

सो अवसरमा गत भाद्र २६ गतेदेखि सुरु भएको हाजिरी जवाफ,बक्तृत्वकला, कुर्सीदौड,भलिवल तथा फूटवल खेलमा उत्कृष्ट हुनेहरुलाई शिल्ड,कप र पुरस्कार वितरण गरिएको थियो । पुजा यादवको स्वागत मन्तब्यबाट सुरु भएको कार्यक्रमको संचालन वाल संजालका सचिव अनिल सुनारले गर्नुभएको थियो । कार्यक्रमलाई प्रायोजन गर्ने र सहयोगीको भूमिका निर्वाह गर्ने अतिथीहरुलाई कार्यक्रममा मायाको चिनो र सम्मान पत्रले सम्मान गरिएको थियो ।