Lnp3

Ggp3

Lnp5

Ggp5

Ggp2

Lnp-8

Ggp6

Lnp1

Lnp2

Ggp1

Ggp4

Lnp9

अर्घाखाँची।अर्घाखाँचीबाट विभिन्न पेशा व्यवसाय र अध्ययनको सिलसिलामा काठमाडौ गएका अर्घाखाँचीवासी गृह मन्त्रालयले सिफारिस दिएपछि लकडाउनको समय ११ वटा बस रिजर्भ गरेर ४१६ यात्रु अर्घाखाँची आइपुगेका छन् । गृह मन्त्रालयले सिफारिस दिएपनि उनीहरुले अर्घाखाँचीका स्थानीय सरकार तथा स्थानीय प्रशासनलाई जानकारी गराएका भने छैनन् ।उनीहरुको स्वास्थ्य परिक्षण जिल्ला शितगंगा नगरपालिकाको डोहोटेमा गरिएको थियो । सरकारले लकडाउन कडा गर्ने भने तापनि यसरी यात्रु जिल्ला भित्रिएपछि स्थानीयमा झन त्रास बडेको जिल्लावासीको गुनासो छ ।काठमाडौदेखि अर्घाखाँची आएका सबैलाई जिल्लामा रहेका सम्बन्धित नगरपालिका वा गाउँपालिकाको क्वारेन्टाइनमा राख्ने भनेर जिल्ला प्रशासन कार्यालय अर्घाखाँचीले आकस्मिक बैठक राखेको थियो । यता त्यो नियम विपरित कार्य तीन स्थानीय तहमा भइसकेको छ । जिल्लाको शितगंगा नगरपालिकाले गोरुसिङ्गे–सन्धिखर्क सडक बाटो हुँदै आउने भएकाले नगरपालिकाले आफ्ना नगरवासी २३ जनालाई होम क्वारेन्टाइनमा बस्न आग्रह गर्दै घरमा पठाएको छ ।त्यस्तै पाणिनी गाउँपालिका र छत्रदेव गाउँपालिका यात्रु फरक बाटो प्रयोग गरी पाल्पा हुँदै अर्घाखाँची प्रवेश गरी बिहान ५ बजे नै घरघरमा पुगिसकेका १८५ जनालाई होम क्वारेन्टाइनमा बस्न आग्रह गरिएको बताइएको छ ।सन्धिखर्क नगरपालिकाका ७२, भुमिकास्थान नगरपालिका २७ मालारानी गाउँपालिकाका ८२ जनालाई स्थानीय तहले निर्माण गरेका क्वारेन्टाइनमा राख्ने तयारी भएको बताएको छ । त्यस्तै गुल्मी र प्युठान जिल्लाका १६ जनालाई सम्बन्धित जिल्लाको गाउँपालिका वा नगरपालिकामा पठाउने निर्णय भएको जिल्ला प्रशासन कार्यालय अर्घाखाँचीले जानकारी दिएको छ ।